ق ر ۇكىمەتى مەن ازيا دامۋ بانكى ارىپتەستىكتىڭ جاڭا ستراتەگياسىن ازىرلەمەك
بۇل تۋرالى قازاقپارات ۇكىمەتتىڭ سايتىنا سىلتەمە جاساپ حابارلايدى.
تاراپتار ا د ب- نىڭ قازاقستان ءۇشىن 2023-2027 -جىلدارعا ارنالعان ەلدىك ارىپتەستىگىنىڭ جاڭا ستراتەگياسىن ازىرلەۋدى، ق ر ۇكىمەتىنىڭ جاڭا ەكونوميكالىق ساياساتىنىڭ قاعيداتتارىن، سونداي- اق وڭىرلىك كۇن ءتارتىبىنىڭ وزەكتى ماسەلەلەرىن تالقىلادى.
پرەمەر- مينيستر قازاقستان ساياسي دامۋ جانە ەكونوميكالىق ترانسفورماتسيانىڭ جاڭا كەزەڭىنە كىرگەنىن، بۇل ەكونوميكانى ءارتاراپتاندىرۋ، مەملەكەتتىك باسقارۋدى رەفورمالاۋ جانە ادامي كاپيتالدى كەشەندى دامىتۋ جونىندەگى شارالاردى ىسكە اسىرۋدى كوزدەيتىنىن اتاپ ءوتتى.
سونىمەن قاتار ۇكىمەت رەسپۋبليكانىڭ ينۆەستيتسيالىق تارتىمدىلىعىن ارتتىرۋ، سالىق- بيۋدجەت ساياساتىن جەتىلدىرۋ جانە ەكونوميكانى دەكاربونيزاتسيالاۋ جونىندەگى جۇمىستى جالعاستىرۋدا.
«ەلدىڭ نەگىزگى باسىمدىقتارىن ىسكە اسىرۋ قازىرگى قيىندىقتاردى ەڭسەرۋگە جانە تۇراقتى ءارى ساپالى ەكونوميكالىق ءوسۋ تراەكتورياسىنا شىعۋعا مۇمكىندىك بەرەدى»، — دەدى ءاليحان سمايىلوۆ.
بۇل رەتتە ۇكىمەت باسشىسى قازاقستان مەن ا د ب اراسىنداعى ىنتىماقتاستىقتىڭ نەگىزگى قۇجاتى رەسپۋبليكانىڭ دامۋ ماقساتتارىنا قول جەتكىزۋگە ىقپال ەتەتىن جاڭا ەلدىك ارىپتەستىك ستراتەگياسى بولاتىنىن اتاپ ءوتتى.
ءوز كەزەگىندە سەردجيو لۋگارەزي بانكتىڭ بارلىق مۇددەلى باعىتتار بويىنشا ق ر ۇكىمەتىمەن بەلسەندى جۇمىستى جالعاستىرۋعا دايىن ەكەنىن راستادى.
«اراداعى جەمىستى ارىپتەستىك بارلىق جوسپارلانعان مىندەتتەردى ءتيىمدى ىسكە اسىرۋعا مۇمكىندىك بەرەتىنىنە سەنىمدىمىن»، - دەدى سەردجيو لۋگارەزي.
