التايەۆتى پرەزيدەنتتىككە كانديدات رەتىندە ۇسىنۋ حاتتاماسىن سوت جارامسىز دەپ تانىدى
بۇل تۋرالى استانا قالالىق سوتىنىڭ رەسمي سايتى جازدى، دەپ حابارلايدى قازاقپارات ءتىلشىسى.
«استانا قالاسى «بايقوڭىر» اۋدانىنىڭ سوتى رەسپۋبليكالىق قوعامدىق بىرلەستىكتىڭ (ر ق ب) جالپى جينالىس حاتتاماسىن جارامسىز دەپ تانۋ تۋرالى تالاپ-ارىزى بويىنشا ازاماتتىق ءىستى قارادى.
تالاپكەرلەر ءوز تالاپتارىن 2022-جىلعى 6- قازانداعى ر ق ب جينالىسىنىڭ قورىتىندىسى بويىنشا ءا. جانە وعان جاقىن ادامدار ر ق ب- نىڭ باسقا مۇشەلەرىنىڭ كومەگىمەن بىرلەستىك مۇشەلەرىنىڭ داۋىس بەرۋىنىڭ بەينەجازباسىن نەگىزدەمەگە قوسا بەرە وتىرىپ، ق ر ورتالىق سايلاۋ كوميسسياسىنا تىركەۋگە ءوز ەركىمەن ءا - ءنىڭ كانديداتۋراسىن بەرۋگە نيەتتەنىپ، داۋىس بەرۋ قورىتىندىسى مەن حاتتامانى بۇرمالاپ جىبەرگەنىنە نەگىزدەدى.
جاۋاپكەر تالاپپەن كەلىسپەدى جانە تالاپكەردىڭ دالەلدەرىنە قاراماستان، ر ق ب مۇشەلەرىنىڭ جالپى جينالىسىنىڭ شەشىمىمەن كوپشىلىك داۋىسپەن ءا - ءنى ر ق ب اتىنان ۇسىنۋ تۋرالى شەشىم قابىلداندى دەپ ءوز ۇستانىمىن تالاپ ەتتى»، - دەپ جازىلعان رەسمي مالىمەتتە.
رەسمي سايتتاعى مالىمەتكە قاراعاندا، رەسپۋبليكالىق قوعامدىق بىرلەستىك اتىنان پرەزيدەنتتىككە كانديدات ۇسىنۋ كەزىندە بىرلەستىكتىڭ جارعىسىنا قايشى ارەكەتتەر جاسالعان.
«جارعىنىڭ 33-تارماعىنا سايكەس بارلىق شەشىمدەر جالپى جينالىسقا قاتىسۋشىلاردىڭ جالپى سانىنىڭ قاراپايىم كوپشىلىك داۋسىمەن قابىلدانادى.
جارعىنىڭ 31-تارماعىندا، ەگەر ونىڭ جۇمىسىنا بىرلەستىكتىڭ وڭىرلىك فيليالدارىنىڭ (وكىلدىكتەرىنىڭ) جارتىسىنان استامىنىڭ وكىلدەرى قاتىسسا جانە جينالىسقا قاتىسۋشىلاردىڭ جالپى سانى كەمىندە 40 ادامدى قۇراسا، جالپى جينالىس زاڭدى دەپ تانىلادى.
سوتتا جالپى جينالىستا ءا- ءنىڭ كانديداتۋراسىن ۇسىنۋعا - 6 ادام، قارسى - 11 ادام داۋىس بەرگەنى انىقتالدى.
وسىلايشا، جالپى جينالىستى وتكىزۋ كەزىندە ر ق ب مۇشەلەرىنىڭ كوپشىلىگى كەزەكتەن تىس پرەزيدەنت سايلاۋىندا ر ق ب اتىنان كانديدات رەتىندە ءا- ءنىڭ ۇسىنىلۋىنا «قارسى» داۋىس بەردى.
سوت جالپى جينالىس حاتتاماسى ر ق ب جارعىسىنىڭ 31- جانە 33-تارماقتارىنىڭ تالاپتارىنا قايشى كەلەدى جانە شىندىققا جاناسپايدى دەگەن قورىتىندىعا كەلدى.
سونىمەن قاتار، جالپى جينالىسقا ر ق ب مۇشەلەرى بولىپ تابىلمايتىن جانە داۋىس بەرۋ قۇقىعى جوق ادامدار قاتىستى جانە داۋىس بەردى»، - دەپ جازادى استانا سوتىنىڭ سايتى.
ەسكە سالساق، ورتالىق سايلاۋ كوميسسياسى 7- قازان كۇنى پرەزيدەنتتىككە ۇمىتكەر رەتىندە ۇسىنىلعان نۇرجان التايەۆتىڭ قۇجاتتارى بۇرمالانۋ فاكتىسىنە تەكسەرىلىپ جاتقانىن ءمالىم ەتكەن ەدى.
ال 12- قازاندا «مۇقالماس» بىرلەستىگى نۇرجان التايەۆتىڭ سايلاۋعا تۇسۋىنە قارسىلىق ءبىلدىرىپ سوتقا جۇگىنگەنى حابارلاندى.
