كۇزدىڭ سالقىن كۇندەرى بالانى قالاي كيىندىرۋ كەرەك؟ ەكى نەگىزگى ەرەجە

ول تونباۋى دا، تەرلەمەۋى دە كەرەك. وعان قوسا، كۇزدە اۋا رايى تۇراقسىز: تاڭەرتەڭ سالقىن بولىپ تۇرسا، تۇستەن كەيىن كۇن جىلىنىپ كەتەدى. پەدياترلار بالانى ءجيى سەرۋەندەۋگە شىعارۋعا كەڭەس بەرەدى. ياعني، قۇبىلمالى اۋا رايى سەرۋەندەۋدەن باس تارتۋعا سەبەپ ەمەس. سوندىقتان بالانى دۇرىس كيىندىرىپ ۇيرەنۋ كەرەك.

ءبىرىنشى ەرەجە: كوپقاباتتىلىق

تاجىريبەلى تۋريستەردە «ءۇش قابات كيىم» تۇسىنىگى بار. بۇل دەگەنىمىز، جيناقتا بازالىق (دەنەگە جابىسىپ تۇراتىن)، ورتاشا قابات (جىلىتاتىن) جانە سىرتقى (جەلدەن، سۋىقتان قورعايتىن) كيىم بولۋى كەرەك. ءتىپتى، كۇن قاتتى سۋىق ەمەس بولعاننىڭ وزىندە كوپقاباتتىلىق ءپرينتسيپىن ساقتاعان ءجون. ءبىر قالىڭ كيىم كيگىزگەننەن، ەكى جۇقا كيىم كيگىزىپ الىڭىز. سودان سوڭ اۋا رايىنا قاراي ءبىر قابات كيىمدى شەشىپ نەمەسە كيگىزىپ قوياسىز.

ەكىنشى ەرەجە: تابيعي ماتالار

سالقىن كۇندەرى بالانىڭ ۇستىندە 2-3 قاباتتان از كيىم بولماۋى كەرەك. جىلۋدى ساقتاۋ كيىم ساپاسىنا بايلانىستى، سوندىقتان كيىم تابيعي ماتالاردان تىگىلگەن بولۋى كەرەك: ماقتا، زىعىر، اكريل، ءجۇن. ال سىرتقى كيىمنىڭ جىلىتقىشى بار ارنايى ماتەريالدان تىگىلگەن ءتۇرىن تاڭداڭىز.

دالاعا شىعاردا بالانىڭ كيىمىن تۇگەلدەي اۋىستىرۋ كەرەك. ۇيدە كيىپ جۇرگەن كيىمى، مىسالى، مايكاسى تەرلەگەننەن ازداپ ىلعالدانىپ قالعان بولۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى