شەكاراشىلار ب ق و- دا ەلىمىزدىڭ اۋماعىنان مۇناي ونىمدەرىن زاڭسىز شىعارۋ ارەكەتىنىڭ الدىن الدى
بۇل تۋرالى قازاقپارات ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ حابارلايدى.
جاعارماي تيەلگەن 20 تەمىرجول سيستەرناسى بيتۋمدىق لاكتاردى ەرىتكىش «ۋايت- سپيريت» رەتىندە كورسەتىلىپ، جۇككە ارنالعان تەمىرجول قۇرامدارىمەن تاسىمالدانعان.
ۇستالعان جۇك قۇزىرەتى بويىنشا پروتسەسسۋالدىق شەشىم شىعارۋ ءۇشىن باتىس قازاقستان وبلىسى بويىنشا مەملەكەتتىك كىرىستەر دەپارتامەنتىنە بەرىلدى.
«شەكارا قىزمەتى قازاقستانداعى بەنزين، ديزەل وتىنى مەن مۇناي ونىمدەرىنىڭ جەكە تۇرلەرىنىڭ شىعارىلۋىنا ۋاقىتشا شەكتەۋلەر قويىلعانىن ەسكە سالادى»، - دەلىنگەن ۇ ق ك باسپا ءسوز قىزمەتى تاراتقان اقپاراتتا.
رەداكتور
ايدار وسپاناليەۆ
