بەردىمۇحامەتوۆ: تۇرىكمەنستان مەن قازاقستان قارىم-قاتىناسى تابىستى دامىدى
بۇل تۋرالى اقوردادا مەملەكەت باسشىسى قاسىم-جومارت توقايەۆپەن كەڭەيتىلگەن قۇرامداعى كەلىسسوز بارىسىندا تۇرىكمەنستان پرەزيدەنتى سەردار بەردىمۇحامەدوۆ ايتتى، دەپ حابارلايدى قازاقپارات ءتىلشىسى.
«تۇرىكمەنستان دەلەگاتسياسىنىڭ اتىنان قازاقستان پرەزيدەنتىنە جىلى قابىلداعانى، قوناقجايلىلىعى ءۇشىن العىس بىلدىرۋگە رۇقسات ەتىڭىزدەر. بىرلەسكەن جۇمىس ءۇشىن تاماشا جاعدايلار جاسالعان. بيىل تۇرىكمەنستان مەن قازاقستان اراسىنداعى ديپلوماتيالىق قاتىناستاردىڭ ورناعانىنا 30 جىل تولدى. وسى جىلدار ىشىندە ەكى ەل اراسىنداعى قارىم-قاتىناس كەڭ اۋقىمدى باعىتتار بويىنشا تابىستى دامىدى»، - دەدى سەردار بەردىمۇحامەدوۆ.
بۇعان دەيىن قازاقستان پرەزيدەنتى قاسىم-جومارت توقايەۆ مارتەبەلى مەيماننىڭ ساپارىنىڭ تاريحي ماڭىزى بار ەكەنىن ايتقانىن ايتقان ەدى.
جاڭا عانا جابىق فورماتتا ءبىز ىنتىماقتاستىقتى دامىتۋدىڭ ەڭ وزەكتى ماسەلەلەرىن تالقىلادىق. كۇن تارتىبىندەگى ماسەلەلەرگە وڭ كوزقاراسىڭىز ءۇشىن راحمەت. مەن ەلدەرىمىز اراسىنداعى ىنتىماقتاستىق پەرسپەكتيۆالارىنا قاتىستى ءسىزدىڭ بارلىق كوزقاراستارىڭىز بەن پىكىرلەرىڭىزگە وڭ باعا بەردىم»، - دەدى قاسىم-جومارت توقايەۆ.
