تۇرىكمەنستان نارىعىنا شىعارۋعا بولاتىن قازاقستاندىق تاۋار ءتىزىمى ازىرلەندى - توقايەۆ
«ساۋدا-ەكونوميكالىق ءوزارا ءىس-قيمىلعا كەلەتىن بولساق، ءبىز بۇگىن بىرلەسكەن كۇش-جىگەر ارقىلى كولەمدى قالاي ارتتىرۋعا بولاتىنى تۋرالى اڭگىمەلەستىك. مەن تۇرىكمەنستان نارىعىنا شىعۋى مۇمكىن تاۋارلاردىڭ ءتىزىمى دايىندالعانىن ايتتىم»، - دەدى قاسىم-جومارت توقايەۆ.
مەملەكەت باسشىسىنىڭ اتاپ وتۋىنشە، ەكى ەلدىڭ اراسىنداعى تاۋار اينالىمىنا ايتارلىقتاي ارتتىرا تۇسۋگە مۇمكىندىك بار.
«ەكى ەلدىڭ ءتيىستى مينيسترلىكتەرى كەلىسسوزدەرگە كىرىسىپ، تاراپتاردىڭ كەلىسىمىمەن قاجەتتى ناتيجەگە قول جەتكىزۋى ءتيىس دەپ سانايمىن. قازىر ساۋدا كولەمى ءبىز قالاعانداي قوماقتى ەمەس. سوندىقتان، ءوزارا ساۋدانى 1 ميلليارد دوللارعا جەتكىزۋگە ۇمتىلۋىمىز ابدەن مۇمكىن. باسقاشا ايتار بولساق، الەۋەت تاۋسىلعان جوق»، - دەدى ق ر پرەزيدەنتى.
