بيىل بيۋجەتكە تۇسكەن سالىق كولەمى ءوستى، وعان قانداي فاكتورلار اسەر ەتتى
بۇل تۋرالى قازاقپارات كىرىستەر كوميتەتىنە سىلتەمە جاساپ حابارلايدى.
2022-جىلعى 9 ايدا مەملەكەتتىك بيۋجەتكە سالىق تۇسىمدەرى بويىنشا جوسپار پايىز103,8 ورىندالدى. جوسپار بويىنشا 10270,8 ميلليارد تەڭگە، 392,0 ميلليارد تەڭگەگە اسىرا ورىنداۋمەن 10662,8 ميلليارد تەڭگە ناقتى ءتۇستى.
وتكەن جىلعى ۇقساس كەزەڭمەن سالىستىرعاندا 1,4 ەسە نەمەسە 3124,6 ميلليارد تەڭگەگە ءوستى، ونىڭ ىشىندە:
- رەسپۋبليكالىق بيۋجەت 100,8 پايىز ورىندالدى (جوسپار بويىنشا 7186,0 ميلليارد تەڭگە، 54,8 ميلليارد تەڭگەگە اسىرا ورىنداۋمەن 7240,7 ميلليارد تەڭگە ءتۇستى)، وتكەن جىلعى ۇقساس كەزەڭىمەن سالىستىرعاندا 1,5 ەسە نەمەسە 2 320,2 ميلليارد تەڭگەگە ءوستى؛
- جەرگىلىكتى بيۋجەت 110,9 پايىز ورىندالدى (جوسپار بويىنشا 3084,8 ميلليارد تەڭگە، 337,2 ميلليارد تەڭگەگە اسىرا ورىنداۋمەن 3422,1 ميلليارد تەڭگە ءتۇستى) 2021-جىلعى ۇقساس كەزەڭىمەن سالىستىرعاندا 30,7 پايىز نەمەسە 804,4 ميلليارد تەڭگەگە ءوستى.
2021-جىلعى ۇقساس كەزەڭىمەن سالىستىرعاندا رەسپۋبليكالىق بيۋجەتكە تۇسىمدەردىڭ مۇنايعا سالىناتىن ەكسپورتتىق كەدەن باجدارى بويىنشا 1,7 ەسە، كورپوراتيۆتى تابىس سالىعى بويىنشا 1,6 ەسە، ءۇشىنشى ەلدەردەن يمپورتقا ق ق س 68,8 پايىزعا، ىشكى ءوندىرىس تاۋارلارىنا ق ق س 45,5 پايىزعا، پايدالى قازبالار وندىرىسىنە سالىناتىن سالىق 25,5 پايىزعا جانە ە ا ە و ەلدەرىنەن يمپورتقا ق ق س 18,1 پايىزعا ءوسۋى بايقالادى.
ءتۇسىمنىڭ وسۋىنە مىناداي فاكتورلار اسەر ەتتى.
2022-جىلى 9 ايدا وتكەن جىلعى ۇقساس كەزەڭمەن سالىستىرعاندا نەگىزگى ەكسپورتتىق پوزيتسيالارعا، ونىڭ ىشىندە مۇنايعا 55,5 پايىز، مىرىشقا 26,4 پايىز، اليۋمينيگە 19,1 پايىز، التىنعا 1,3 پايىز جانە قورعاسىنعا 0,4 پايىز باعانىڭ ءوسۋى بايقالادى. شيكى مۇنايعا سالىناتىن كەدەندىك اكەتۋ باجىنىڭ مولشەرلەمەسى 46,8 پايىزعا ءوستى (1 توننا ءۇشىن ورتاشا مولشەرلەمەسى 2021-جىلعى 9 ايىندا - $60,6، 2022-جىلعى 9 ايىندا 1 توننا ءۇشىن - $88,9).
اعىمداعى جىلعى 9 ايدا ءۇشىنشى ەلدەرمەن تاۋار اينالىمى 45,0 پايىزعا ءوستى (ەكسپورت 52,1 پايىزعا، يمپورت 28,7 پايىزعا ءوستى) .
وتكەن جىلعى ۇقساس كەزەڭىمەن سالىستىرعاندا 2022-جىلعى 9 ايدا وتكىزۋ بويىنشا اينالىم 23,6 پايىزعا (83165 ميلليارد تەڭگەدەن 102800 ميلليارد تەڭگەگە دەيىن) ۇلعايدى.
ەسكە سالساق، جىلدىڭ 8 ايىندا رەسپۋبليكالىق بيۋجەتكە 6,8 تريلليون تەڭگە كىرىس تۇسكەنى تۋرالى حابارلاعان بولاتىنبىز.
