الماتىدا ادۆوكات ايەلدى ءولتىردى دەگەن كۇدىكپەن ونىڭ بۇرىنعى كۇيەۋى ۇستالدى
ىشكى ىستەر مينيسترلىگى تاراتقان مالىمەتكە سەنسەك، ول ق ر ق پ ك 128-بابىنا سايكەس ۋاقىتشا ۇستاۋ يزولياتورىنا قامالعان.
«كىسى ءولتىرۋ دەرەگى بويىنشا تەرگەۋ جالعاسىپ جاتىر. بۇرىن حابارلانعانداي، تەرگەۋ بارىسى ق ر ءى ءى م مەن الماتى قالالىق پ د باسشىلىعىنىڭ باقىلاۋىندا» دەپ ءمالىم ەتتى پوليتسيا.
ەسكە سالا كەتەيىك، بۇگىن الماتىدا كىسى قولىنان كوز جۇمعان زاڭگەر ايەلدىڭ ولىمىنە كۇيەۋى قاتىستى بولۋى مۇمكىن ەكەنىن حابارلاعان ەدىك.
الماتى قالالىق پوليتسيا دەپارتامەنتى وسى اسا اۋىر قىلمىستى جاسادى دەگەن كۇدىكپەن مارقۇمنىڭ بۇرىنعى جۇبايى - 1974-جىلى تۋعان ن. ىزدەۋدە ەكەندىگىن راستاعان.
