قازاقستان - ت م د-داعى تاكسي قىزمەتى ەڭ قىمبات ەلدەردىڭ ءبىرى
قازاقستاندا تاكسي قىزمەتىنىڭ قۇنى 1-شاقىرىمعا ەسەپتەگەندە 0,32 ا ق ش دوللارىن قۇرادى. قازاقستان تاكسي قىزمەتىنىڭ ارزاندىعى بويىنشا 105 ەلدىڭ ىشىندە 12-ورىندا تۇر. ت م د ەلدەرىنىڭ اراسىندا قازاقستانعا قاراعاندا تاكسي قىزمەتتەرى ازەربايجان مەن رەسەيدە قىمباتىراق، بەلارۋس، وزبەكستان، مولدوۆا جانە ارمەنيادا ارزانىراق.
وسى جىلدىڭ قاڭتار- تامىز ايلارىندا قازاقستاندا تاكسي قىزمەتىن كورسەتەتىن كومپانيالاردىڭ تابىسى 3 ميلليارد تەڭگەنى قۇرادى. ءبىر جىل بۇرىن 2,8 ميلليارد تەڭگە بولعان ەدى.
سەكتورداعى ەڭ جوعارى كورسەتكىشتەر قاراعاندى وبلىسىندا (1,3 ميلليارد تەڭگە) تىركەلگەن. ءبىر جىلدا %37,3 عا ارتقان. كوشباسشىلار ۇشتىگىنە ەلوردا (728,7 ميلليون ت گ، ءبىر جىلدا %4,4 عا ازايعان) جانە الماتى (499,6 ميلليون ت گ، ءبىر جىلدا %27,1 عا ازايعان) كىردى.
ەڭ از تابىس شىعىس قازاقستان وبلىسىنىڭ تاكسوپاركتەرىندە بايقالدى. نەبارى 0,4 ميلليون تەڭگە تابىس تاپقان.
جىل باسىنان بەرى 1,4 ميلليارد جولاۋشى تاكسي قىزمەتىن پايدالانعان. بۇل وتكەن جىلمەن سالىستىرعاندا %6,1 عا كوپ. جولاۋشىلار اينالىمى ءبىر جىلدا %8,7 عا، 20,7 ميلليارد ك م-گە دەيىن ءوستى.
2022 -جىلدىڭ تامىز ايىنىڭ قورىتىندىسى بويىنشا تاكسي اقىسىنىڭ قۇنى ءبىر جىلدا 9 پايىزعا وسكەن.
وڭىرلىك بولىنىستە جەتىسۋ وبلىسىنىڭ تۇرعىندارى باعانىڭ ءوسۋىن قاتتى سەزىنگەن. مۇندا تاكسي قىزمەتىنىڭ قۇنى ءبىر جىلدا %37,7 عا ارتقان. سونداي-اق كوشباسشىلارر ۇشتىگىندە الماتى جانە اباي وبلىستارى بار. وندا تاكسي اقىسىنىڭ قۇنى تيىسىنشە %28,1 جانە %21,2 عا قىمباتتاعان.
