ەلوردادا رۇقساتسىز بەينەتۇسىرىلىم جاساعان رەسەيلىكتەر ۇستالدى
«پوليتسياعا رەسەي فەدەراتسياسىنىڭ ازاماتتارى قالانىڭ اكىمشىلىك عيماراتتارىن رۇقساتسىز درونعا ءتۇسىرىپ جۇرگەنى تۋرالى اقپارات كەلىپ ءتۇستى. انىقتالعانىنداي، 21 جانە 28 جاستاعى جىگىتتەر جاعالاۋ ماڭىندا جانە ق ر قورعانىس مينيسترلىگىندە درونداردى ۇشىرعانى انىقتالدى. بۇل فاكتىلەر ءار ءتۇرلى ۋاقىتتا ورىن العان، سونىمەن قاتار ازاماتتاردا كۆادراكوپتەردى قولدانۋعا رۇقسات قۇجاتتارى بولماعان. سونىمەن قاتار 12-قازاندا رەسەي فەدەراتسياسىنان كەلگەن 43 جاستاعى ەر ادام دوستىق كوشەسىنىڭ بويىندا بەينەتۇسىرىلىم جاساۋ ءۇشىن درون ۇشىرعانى تۋرالى تاعى ءبىر حابار كەلدى»، - دەلىنگەن پوليتسيا حابارلاماسىندا.
جينالعان ماتەريالدار زاڭدى شەشىم قابىلداۋ ءۇشىن ازاماتتىق اۆياتسيا كوميتەتىنە جىبەرىلدى. ءتارتىپ بۇزۋشىلار اكىمشىلىك جاۋاپكەرشىلىككە تارتىلدى. ولارعا 10 ا ە ك مولشەرىندە ايىپپۇل سالىنۋى مۇمكىن. اتالعان تۇلعالارمەن پروفيلاكتيكالىق اڭگىمە جۇرگىزىلدى.
