و س ك: باقىت جاڭابايەۆتىڭ كانديداتۋراسى تالاپقا ساي

ايتا كەتەيىك، ونىڭ كانديداتۋراسىن 3- قازاندا «قازاقستان اۋەسقوي فۋتبولشىلارىنىڭ» قوعامدىق بىرلەستىگى ۇسىنعان. ال 11- قازاندا باقىت جاڭابايەۆ ۇمىتكەرلەردى تىركەۋدىڭ سوڭعى ساتىندە قۇجاتتارىن تاپسىرعان بولاتىن.

ورتالىق سايلاۋ كوميسسياسىنىڭ مۇشەسى سابيلا مۇستافينانىڭ دەرەگىنشە، ۇمىتكەر «قازاقستان اۋەسقوي فۋتبولشىلارىنىڭ» قوعامدىق بىرلەستىگى وتىرىسىنىڭ پرەزيدەنتتىككە ۇسىنۋ تۋرالى حاتتاماسىنان ءۇزىندى، ءومىربايان دەرەكتەرى، ورتالىق سايلاۋ كوميسسياسىنىڭ شوتىنا سايلاۋ جارناسىنىڭ ەنگىزىلگەنىن كۋالاندىراتىن قۇجات، جەكە باسىن كۋالاندىراتىن قۇجاتتىڭ كوشىرمەسى جانە جوعارى ءبىلىمى تۋرالى ديپلومىنىڭ كوشىرمەسىن تاپسىرعان.

ۇسىنىلعان قۇجاتتاردى راستاۋ ماقساتىندا ورتالىق سايلاۋ كوميسسياسى ىشكى ىستەر مينيسترلىگىنە، ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنە، ق ر مەملەكەتتىك قىزمەت ىستەرى اگەنتتىگىنە جانە ق ر ادىلەت مينيسترلىگىنە ءتيىستى سۇراۋلار جىبەرىلگەن.

ونىڭ ناتيجەلەرىن بايانداعان سابيلا مۇستافينا ۇمىتكەردىڭ «ق ر سايلاۋ تۋرالى» كونستيتۋتسيالىق زاڭىنىڭ 54- جانە 56-باپتارىنا ساي قويىلاتىن تالاپتارعا تولىق سايكەس كەلەتىنىن مالىمدەدى.

تيىسىنشە، ورتالىق سايلاۋ كوميسسياسى باقىت جاڭابايەۆتىڭ كانديداتۋراسى بارلىق تالاپقا سايكەس ەكەنىن راستايتىن قاۋلى قابىلدادى.

ەسكە سالايىق، ق ر پرەزيدەنتتىگىنە كانديدات باقىت جاڭابايەۆ بۇگىن مەملەكەتتىك تىلدەن ەمتيحان تاپسىرعان بولاتىن.

لينگۆيستيكالىق كوميسسيانىڭ مالىمەتىنشە، اتالعان ۇمىتكەر مەملەكەتتىك ءتىلدى ەركىن مەڭگەرگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى