الماتىدا جىل باسىنان بەرى قانشا رەت جول اپاتى بولعانى بەلگىلى بولدى

بۇل تۋرالى الماتى قالالىق پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باستىعى ەرجان ۇزابايەۆ ءمالىم ەتتى، دەپ حابارلايدى قازاقپارات ءتىلشىسى.

پوليتسەيدىڭ ايتۋىنشا، جول اپاتتارىنىڭ باستى سەبەبى - جۇرگىزۋشىلەر مەن جاياۋ جۇرگىنشىلەردىڭ جول قوزعالىسى ەرەجەلەرىن قاساقانا بۇزۋىنان.

«وتكەن كەزەڭدە جول اپاتىنىڭ %99,9 نەمەسە 2614 جول اپاتى جۇرگىزۋشىلەردىڭ كىناسىنەن بولعان. جۇرگىزۋشىلەردىڭ كىناسىنەن بولاتىن ءاربىر بەسىنشى جول اپاتى مانيەۆر جاساۋ ەرەجەلەرىن ساقتاماۋدان بولادى. جىل باسىنان بەرى وسى سەبەپپەن 1163 جول اپاتى تىركەلدى. ال جىلدامدىقتى بۇزۋ سالدارىنان 395 جول اپاتى بولدى»، - دەدى ەرجان ۇزابايەۆ.

جول اپاتى سانىنىڭ كوشىن كولىكتەردىڭ ءبىر-بىرىمەن سوعىسۋى باستاپ تۇر. ونىڭ سانى - 1095.

«جاياۋ جۇرگىنشىلەردى قاعىپ كەتۋ جول اپاتىنىڭ %38,8 نەمەسە 1018 جول اپاتىن قۇرايدى. ونىڭ سالدارىنان 1023 ادام زارداپ شەگىپ، 44 ادام قازا تاپتى. جول قيىلىسىنان ءوتۋ ەرەجەسىنىڭ ساقتالماۋىنان 567 جول اپاتى بولدى. جىل باسىنان بەرى جول قوزعالىسى ەرەجەلەرىن بۇزعانى ءۇشىن 952622 جول قوزعالىسىنا قاتىسۋشى اكىمشىلىك جاۋاپقا تارتىلدى»، - دەدى جەرگىلىكتى پوليتسيا قىزمەتى باسقارماسىنىڭ باستىعى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى