رەسپۋبليكا كۇنىنە وراي جاس اقىندار ءمۇشايراسى وتەدى

ءمۇشايرانىڭ ماقساتى - قازاقستان رەسپۋبليكاسىنىڭ ەگەمەندىگىن، تاۋەلسىزدىگىن جىرعا قوسىپ، ەلدىگىمىزدى، ەركىندىگىمىزدى دارىپتەپ، الەم الدىنداعى ابىرويىمىزدى تىلگە تيەك ەتىپ، ۇلت بىرلىگىن ۇلىقتاۋ.

ءمۇشايرا جاس ۇرپاقتى وتان سۇيگىشتىككە تاربيەلەپ، تۇلعا بولىپ قالىپتاسۋىنا ىقپال ەتۋدى، ولكە ادەبيەتىنىڭ وركەندەۋىنە ۇلەس قوسىپ، كوپشىلىكتىڭ كوركەم ادەبيەتكە قىزىعۋشىلىعىن ارتتىرۋدى كوزدەيدى.

ءمۇشايراعا 16-25 جاس ارالىعىنداعى اقىندار قاتىسا الادى.

ءمۇشايراعا ءبىر اۆتوردان ەكى ولەڭ قابىلدانادى:

1) تاقىرىپتىق ولەڭ

2) ەركىن تاقىرىپتاعى ولەڭ

ولەڭدەر adauletkyzy01@mail.ru ەلەكتروندى پوشتاسىنا 2022-جىلدىڭ 18- قازانىنا دەيىن جولدانۋى ءتيىس. اۆتور تۋرالى مالىمەتتەر شىعارمامەن قوسا جىبەرىلەدى (اقىننىڭ قىسقاشا ءومىربايانى مەن فوتوسۋرەتى، بايلانىس مالىمەتتەرى).

بايقاۋعا جولدانعان شىعارمالاردى ءادىل-قازىلار القاسى ساراپتايدى. ىرىكتەلگەن اقىندار 19-قازان كۇنى ءاليحان بوكەيحان ۋنيۆەرسيتەتىندە وتەتىن ءمۇشايرانىڭ اقتىق سىنىنا شاقىرىلادى.

اقتىق سىننان سۇرىنبەي ءوتىپ، ءادىل قازىلار القاسىنىڭ جوعارى باعاسىنا يە بولعان جەڭىمپاز بەن جۇلدەگەرلەر كەلەسىدەي سىيلىقتارعا يە بولادى:

باس جۇلدە - 100000 تەڭگە

ءبىرىنشى ورىن - 75000 تەڭگە

ەكىنشى ورىن - 50000 تەڭگە (ەكى ادام)

ءۇشىنشى ورىن- 25000 تەڭگە (ءۇش ادام)

جۇلدەلى شىعارمالار ارنايى ءمۇشايرا جىرلارىنىڭ جيناعىنا ەنەدى.

بارلىقتارىڭىزدى جىر دوداسىندا باق سىناۋعا شاقىرامىز، دوستار!

قوسىمشا سۇراقتار بويىنشا 887778749884861 نومەرىنە حابارلاسۋعا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى