استانادا ا و س ش ك- گە مۇشە مەملەكەتتەر باسشىلارى ماراپاتتالدى
«ءتوراعالىق اوسشك مەرەيتويلىق مەدالىن فورۋمعا قاتىسۋشى ەلدەردىڭ مەملەكەت جانە ۇكىمەت باسشىلارىنا تابىستاۋ تۋرالى شەشىم قابىلدادى. ارىپتەستەرىمە، ياعني مەملەكەت باسشىلارىنا، پرەزيدەنتتەرگە، دەلەگاتسيا باسشىلارىنا فورۋمعا بەلسەندى قاتىسقاندارى ءۇشىن شىن جۇرەكتەن العىس ايتامىن»، - دەدى قاسىم جومارت توقايەۆ ازياداعى ءوزارا ءىس- قيمىل جانە سەنىم شارالارى كەڭەسىنىڭ سامميتىندە.
وسى ورايدا قازاقستان پرەزيدەنتى بۇگىنگى پىكىرالماسۋلار ءسامميتتىڭ تابىستى وتۋىنە ىقپال ەتكەنىن اتاپ ءوتتى.
ايتا كەتەيىك، جوعارى دەڭگەيدەگى كەزدەسۋ ا و س ش ك- ءنى قۇرۋ تۋرالى باستامانىڭ 30 جىلدىعىنا ورايلاستىرىلىپ، قازاقستاننىڭ توراعالىعىمەن ءوتىپ جاتىر. سامميتكە مۇشە مەملەكەتتەردىڭ، بايقاۋشى ەلدەر مەن ۇيىمداردىڭ، سەرىكتەس ۇيىمداردىڭ ءبىرىنشى باسشىلارى شاقىرىلدى.
