ۆەتنام پرەزيدەنتى قاسىم-جومارت توقايەۆتى ءوز ەلىنە ساپارمەن كەلۋگە شاقىردى
اڭگىمەلەسۋ بارىسىندا قازاقستان پرەزيدەنتى ازياداعى ءوزارا ءىس-قيمىل جانە سەنىم شارالارى كەڭەسى (ا ءو س ش ك) جۇمىسىنا بەلسەندى قاتىسقانى ءۇشىن ۆەتنام تاراپىنا العىس ايتىپ، ەكى ەل اراسىنداعى تابىستى ىنتىماقتاستىقتىڭ دەڭگەيى جوعارى ەكەنىن اتاپ ءوتتى.
قاسىم-جومارت توقايەۆ پەن ۆو تحي ان سۋان ءوزارا ساۋدا-ەكونوميكالىق ءىس-ارەكەتتىڭ تابىستى دامىپ كەلە جاتقانىن اتاپ ءوتىپ، قازاقستان مەن ۆەتنام حالىقتارى اراسىنداعى مادەني- گۋمانيتارلىق بايلانىستاردىڭ نىعايا تۇسكەنىن، ەكى ەل اراسىنداعى اۋە قاتىناسىنىڭ اشىلعانىن ايتتى. سونداي- اق ساۋدا، تۋريزم، اگرارلىق، كولىك- لوگيستيكالىق جانە قارجى سالالارىنداعى بايلانىستاردى كۇشەيتۋ ءۇشىن مول الەۋەت بار ەكەنىنە نازار اۋدارىلدى.
كەزدەسۋ سوڭىندا مەملەكەت باسشىسى قاسىم-جومارت توقايەۆ ۆەتنام پرەزيدەنتى نگۋەن سۋان فۋككە سالەم جولدادى.
ءوز كەزەگىندە ۆو تحي ان سۋان ءوز مەملەكەتىنىڭ باسشىلىعى اتىنان قازاقستان پرەزيدەنتىنە ۆەتنامعا ساپارمەن كەلۋگە شاقىرۋىن تاپسىردى.
