استاناعا كەلگەن تاجىكستان پرەزيدەنتىن قازاقستان پرەمەر- ءمينيسترى كۇتىپ الدى

اسا مارتەبەلى قوناقتى ەلوردا اۋەجايىندا ق ر پرەمەر- ءمينيسترى ءاليحان سمايىلوۆ قارسى الدى.

تاجىكستان پرەزيدەنتى ازياداعى ءوزارا ءىس- قيمىل جانە سەنىم شارالارى جونىندەگى VI سامميتكە، ت م د مەملەكەت باسشىلارى كەڭەسىنىڭ وتىرىسىنا جانە «ورتالىق ازيا - رەسەي» سامميتىنە قاتىسادى.

ايتا كەتەيىك، 12-13-قازاندا استانادا ازياداعى ءوزارا ءىس- قيمىل جانە سەنىم شارالارى جونىندەگى كەڭەستىڭ VI ءسامميتى وتەدى، وعان بارلىعى 50 گە جۋىق دەلەگاتسيا قاتىسادى.

14- قازاندا ەلوردادا ت م د مەملەكەت باسشىلارى كەڭەسىنىڭ وتىرىسى وتەدى، ونىڭ اياسىندا ۇيىم قىزمەتىنىڭ نەگىزگى ماسەلەلەرى تالقىلانادى. وتىرىسقا ازەربايجان، ارمەنيا، بەلارۋس، قازاقستان، قىرعىزستان، رەسەي، تۇرىكمەنستان، تاجىكستان جانە وزبەكستان باسشىلارى قاتىسادى.

سونىمەن قاتار 14-قازاندا استانادا «ورتالىق ازيا - رەسەي» ءسامميتى وتەدى. وندا ساۋدا، مادەنيەت، قاۋىپسىزدىك جانە ت. ب. سالالارداعى وڭىرلىك ىنتىماقتاستىق ماسەلەلەرى تالقىلانادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى