قازاقستان مەن تۇركيا ترانسكاسپي ارقىلى تاسىمالدى ۇلعايتۋعا مۇددەلى
بۇل تۋرالى اقوردادا تۇركيا پرەزيدەنتى رەجەپ تايپ ەردوعانمەن كەلىسسوزدەن كەيىن ب ا ق وكىلدەرىنە ارنالعان بريفينگتە مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«قازىر الەمدەگى گەوساياسي احۋالدىڭ كۇردەلەنىپ تۇرعانىن بىلەسىزدەر. وسى ورايدا ءبىز كولىك- ترانزيت سالاسىندا بىرلەسكەن ناقتى شارالار قاجەت ەكەنىن اتاپ وتتىك. بۇل تۋرالى كوزقاراسىمىز ورتاق. ترانسكاسپي حالىقارالىق كولىك باعدارى ارقىلى تاسىمالدى ۇلعايتۋعا ەكى ەل دە مۇددەلى. وڭىردەگى تۇراقتىلىقتى ساقتاۋ ءۇشىن بۇل ستراتەگيالىق جوبانىڭ زور ماڭىزى بار. بيىل 7 ايدا وسى باعىت ارقىلى تاسىمالداناتىن جۇك كولەمى 2,5 ەسەگە ارتىپ، 1 ميلليون تونناعا جەتتى. وسى رەتتە مەملەكەتتەرىمىزدىڭ ورتاق ءدالىزدى دامىتۋى قازىر وتە ماڭىزدى»، - دەدى ق ر پرەزيدەنتى.
مەملەكەت باسشىسى تۇركيا پرەزيدەنتىمەن جاھانداعى وزەكتى ماسەلەلەردى تالقىلاعانىن اتاپ ءوتتى.
«كوپتەگەن حالىقارالىق ماسەلەلەر بويىنشا ەكى ەلدىڭ ۇستانىمى وتە جاقىن ەكەنىن باسا ايتقىم كەلەدى. بۇل ءبىز ءۇشىن وتە ماڭىزدى. سونىمەن بىرگە حالىقارالىق جانە ايماقتىق دەڭگەيدە تىعىز ىقپالداستىقتى ودان ءارى جالعاستىرۋعا ۋاعدالاستىق. قازاقستان مەن تۇركيا - وتە جاقىن باۋىرلاس مەملەكەتتەر. ءبىز كوپجاقتى ديپلوماتيانى ودان ءارى نىعايتۋعا ەرەكشە ءمان بەرەمىز. ەكى ەلدىڭ سەرىكتەستىگى بۇۇ، تۇركى مەملەكەتتەرڭ ۇيىمى، ا ءو ءى س ش ك سياقتى كوپجاقتى قۇرىلىمدار اياسىندا ويداعىداي دامىپ كەلەدى»، - دەدى مەملەكەت باسشىسى.
قاسىم- جومارت توقايەۆ ەرتەڭ تۇركيا پرەزيدەنتىمەن بىرگە ا ءو ى س ش ك- ءنىڭ 6-سامميتىنە قاتىساتىنىن، ءىس- شارا بارىسىندا بۇل فورۋمدى تولىققاندى ۇيىمعا اينالدىرۋ ۇدەرىسى باستالاتىنىن ايتتى.
