سيفرلىق اكتيۆتەر تۋرالى زاڭ: كاپيتالدى ەلدەن شىعارماس ءۇشىن نە ىستەۋگە بولادى
بۇعان دەيىن ءماجىلىس «قازاقستان رەسپۋبليكاسىنداعى سيفرلىق اكتيۆتەر تۋرالى» زاڭ جوباسىن ماقۇلداعان بولاتىن.
«ا ح ق و قازاقستان اۋماعىنداعى وفشورلىق ايماق دەپ ءجيى ايتىلادى. وندا كريپتوۆاليۋتا ەكوجۇيەسىن قۇرۋ ارقىلى ءبىز كاپيتالدى ەلدەن شىعارۋدى جەڭىلدەتىپ، كوبەيتىپ جىبەرمەيمىز بە؟»، - دەپ سۇرادى ءماجىلىس دەپۋتاتى دانيار الىمبايەۆ پالاتانىڭ جالپى وتىرىسىندا.
ءوز جاۋابىندا ەكاتەرينا سمىشليايەۆا بۇل سالادا رەتتەۋدىڭ بولماۋى ايىرباس اعىندارىنىڭ كولەڭكەدە بولۋىنا اكەلەتىنىن اتاپ ءوتتى.
وسىلايشا قازاقستاندا كاپيتالدى شىعارۋ جانە كىرىستەردى جىلىستاتۋ بەلەڭ الدى.
«زاڭ جوباسىنىڭ ماقساتى وسى راسىمدەردى كەم دەگەندە ءىشىنارا اشۋ، سودان كەيىن ءبىز جەكە ينۆەستورلارىمىزدى، تازا كاپيتالى بار ادال ينۆەستورلاردى زاڭسىز ايىرباس ورىندارىنان نەمەسە زاڭسىز كريپتوۆاليۋتالارعا قاتىسۋمەن بايلانىستى تاۋەكەلدەردەن قورعايمىز. ولار قازاقستاندىق كريپتوبيرجادا اشىق كەلىسىمدەر جاساي الادى. قىلمىستىق جاعىمەن ءتيىستى ورگاندار اينالىسادى. ءبىز مۇنى قاراستىردىق»، - دەپ ءتۇسىندىردى ەكاتەرينا سمىشليايەۆا.
دەپۋتات ا ح ق و- دا كىرىستەردى جاسىرۋعا قارسى كۇرەستى كوزدەيتىن ەرەجەلەر بار ەكەنىن ايتتى.
«كريپتوۆاليۋتالاردىڭ كۇدىكتى وپەراتسيالار بويىنشا اقپارات بەرۋ مىندەتتەمەلەرى بار. سونىمەن قاتار، ولار قارجى مونيتورينگىنىڭ سۋبەكتىلەرى بولىپ سانالادى، سوندىقتان ءبىز مۇندا نارىقتىڭ اشىلۋىن كۇتەمىز»، - دەدى دەپۋتات.
بۇعان دەيىن ق ر ەنەرگەتيكا ۆيتسە-ءمينيسترى جاندوس نۇرماعامبەتوۆ ەلدەگى ماينينگ قىزمەتى قالاي رەتتەلەتىنىن تۇسىندىرگەن ەدى.
