استانالىق ستۋدەنت ۇلكەن سانداردى كالكۋلياتورسىز ەسەپتەۋ فورمۋلاسىن تاپتى
باسپا ءسوز قىزمەتىنىڭ مالىمەتتەرىنە قاراعاندا، بۇگىندە جاس عالىمنىڭ قورجىنىندا 33 ءتۇرلى فورمۋلا بار. دارىندى ستۋدەنت الداعى ۋاقىتتا ءوز ەڭبەگىن پاتەنتتەپ، شاكىرت تاربيەلەۋدى ارماندايدى.
اقپاراتتىق تەحنولوگيالار فاكۋلتەتىنىڭ ءبىلىم الۋشىسى بەك مۇسابەكوۆتىڭ ماتەماتيكا سالاسىنا قىزىعۋشىلىعى مەكتەپ قابىرعاسىندا ويانعان. تالانتتى جاس كۆادرات جانە كۋب ادىستەرىمەن فورمۋلالاردى 9-سىنىپتا العاش رەت ويلاپ تاپتى.
«ءتۇبىر استىنان جۋىقتاپ تابۋ» امالىن باعان جانە كۆادرات ارقىلى شەشۋ دە - ونىڭ مەكتەپتەگى ەڭبەگىنىڭ جەمىسى. ناقتى عىلىمعا قىزىققان ستۋدەنت ىزدەنىمپازدىعىنىڭ ارقاسىندا ۇلكەن سانداردى كالكۋلياتوردىڭ كومەگىنسىز ەسەپتەۋگە بولاتىن فورمۋلا جاساپ شىعاردى.
«كالكۋلياتور قولدانۋ مۇمكىندىگى جوق بارلىق جەردە، ءتىپتى ەمتيحاندا دا مەنىڭ فورمۋلاممەن ەسەپتەر ەركىن شىعارىلادى. ونىڭ ۇستىنە بۇل - ۋاقىت ۇنەمدەۋگە دە ۇلكەن مۇمكىندىك. ەندى وسى فورمۋلالارىمدى پاتەنتتەپ العىم كەلەدى. مەنىڭ ويلاپ تاپقان فورمۋلامدى وقۋ باعدارلاماسىنا كىرگىزۋگە بولادى دەپ ويلايمىن. الداعى ۋاقىتتا ماتەماتيكادان شاكىرت تاربيەلەپ، وقۋشىلارىمدى وليمپيادالارعا دايىنداسام دەگەن نيەتىم بار»، - دەپ ءوزىنىڭ جوسپارى تۋرالى ايتتى.
بۇگىندە ە ۇ ۋ جاس عالىمىنىڭ قورجىنىندا كالكۋلياتورسىز ەسەپتەۋدىڭ 33 ءتۇرلى فورمۋلاسى بار. ونىڭ 29 ىن مەكتەپ قابىرعاسىندا شىعارسا، 4 ەۋىن ۋنيۆەرسيتەتتە ءجۇرىپ ويلاپ تاپقان. ستۋدەنت ۇلكەن سانداردى كالكۋلياتورسىز ەسەپتەۋدىڭ بۇدان دا وڭاي فورمۋلالارىن ىزدەۋدى جالعاستىرماق.
بەك مۇسابەكوۆ ءوزىنىڭ قابىلەتىن 2021-جىلى «دارىندى جاس عالىم» رەسپۋبليكالىق عىلىمي-جوبالار بايقاۋىندا ورتاعا سالىپ، «دارىن» اتالىمى بويىنشا توپ جاردى. ە ۇ ۋ ستۋدەنتى «ق ر تاۋەلسىزدىگىنە 30 جىل» مەرەكەلىك توسبەلگىسىمەن دە ماراپاتتالعان.
