پوليتسيانىڭ جەمقورلىق جاساۋىنا جول اشاتىن نورمالار ءالى دە بار - مارات احمەتجانوۆ
«اۋەلى زاڭ نورمالارىنداعى جەمقورلىق تاۋەكەلدەردى جويۋ قاجەت. بۇگىننىڭ وزىندە سيفرلىق قالتارىستار بار. ول قالتارىستار بوپسالاۋعا، زاڭسىز جولمەن بايۋعا، قىزمەت جاعدايىن تەرىس ماقساتقا پايدالانۋعا جول اشادى. وسى ولقى تۇستاردى جاپساق، ىشكى ىستەر قىزمەتكەرلەرىنىڭ ساناسى دا وزگەرەدى»، - دەدى مينيستر.
ونىڭ پايىمىنشا، ساقشىلاردىڭ قاتارىن جەمقورلاردان تازارتۋدىڭ بىردەن- ءبىر جولى - ولاردىڭ الەۋمەتتىك جاعدايىن جاقسارتۋ.
«ەڭبەكاقىنى كوتەرۋ بىزگە ساقشىلار ساپىنا لايىقتى مامانداردى ىرىكتەۋگە مۇمكىندىك بەرەدى. قازىر ءبىزدىڭ پوليتسيا قىزمەتكەرلەرى زاڭنان اتتاسا، ءبىراز يگىلىكتەن ايرىلۋى مۇمكىن. مەملەكەت باسشىسى بىرنەشە رەت قامقورلىق تانىتىپ، ەڭبەكاقىسىن ءوسىرىپ جاتىر. ودان بولەك، جەرگىلىكتى اتقارۋشى ورگاندار كۇنى- ءتۇنى قوعام ءتارتىبىن كۇزەتىپ جۇرگەن پاترۋلدىك بەكەتتەگى قىزمەتكەرلەرگە قوسىمشا سىياقىلار بەلگىلەيدى. سوندىقتان، بىزدىڭشە، بۇگىندە الەۋمەتتىك جانە وزگە دە ارتىقشىلىقتار پوليتسياداعى قىزمەتتى تارتىمدى ەتەدى»، - دەدى مارات احمەتجانوۆ.
اۆتور
ەسىمجان ناقتىباي
