تالدىقورعاندا ستۋدەنتتەرگە نەسيە راسىمدەتكەن كومەندانت ۇستالدى

ارىزدانۋشى ستۋدەنتتەردىڭ سوزىنشە، جاتاقحانا كومەندانتى ولارعا ايفون تەلەفونىن الۋ ءۇشىن نەسيە راسىمدەتكىزىپ، نەسيەنى تولەمەي قويعان. قازىر وسى ىسكە قاتىستى پوليتسيا كۇدىكتىنى انىقتاپ، سوتقا دەيىنگى تەكسەرۋ ءجۇرىپ جاتىر.

«وسى فاكتى ق ر ق ك 190- بابى «الاياقتىق» بويىنشا سوتقا دەيىنگى تەرگەۋ ءجۇرىپ جاتىر. كۇدىكتى رەتىندە 41 جاستاعى ايەل ۇستالدى. ول راسىمەن ستۋدەنتتەردىڭ جاتاقحاناسىندا كومەندانت بولىپ جۇمىس ىستەيدى. 11-قازان كۇنى كۇدىكتى پوليتسياعا جەتكىزىلدى. تەرگەۋ ورگانى 10 ستۋدەنت پەن 2 جاتاقحانا قىزمەتكەرىنەن تۇسكەن ارىز بويىنشا تەرگەۋ جۇرگىزىپ جاتىر. جابىرلەنۋشىلەرگە كەلتىرىلگەن شىعىن 14,7 ميلليون تەڭگە. ءبىراق كۇدىكتى دەنساۋلىعىنىڭ كۇرت ناشارلاپ كەتۋىنە بايلانىستى تۇسىنىكتەمە بەرۋدەن باس تارتتى. قازىر ول اۋرۋحانادا جاتىر»، - دەپ ءتۇسىندىردى جەتىسۋ وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.

قازىر پوليتسيا كۇدىكتىنىڭ وزگە دە قىلمىسقا قاتىسى بار- جوعىن انىقتاۋدا.

اۆتور

سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى