الماتىدا ۇيگە سوعىلعان اۆتوبۋستاعى جولاۋشىلاردىڭ جاعدايى بەلگىلى بولدى
دەنساۋلىق ساقتاۋ باسقارماسىنىڭ مالىمەتىنشە، 10- قازان كۇنى جول اپاتىنان زارداپ شەككەندەر قالالىق جەدەل جاردەم اۋرۋحاناسى مەن 7№ قالالىق كلينيكالىق اۋرۋحاناعا جەتكىزىلدى.
«جول-كولىك وقيعاسى سالدارىنان 7 ادام زارداپ شەكتى، ونىڭ بىرەۋى كامەلەت جاسىنا تولماعان بالا. دارىگەرلەردىڭ تەكسەرۋىنەن كەيىن 6 پاتسيەنت امبۋلاتوريالىق ەمگە جىبەرىلدى. قازىرگى ۋاقىتتا ءبىر زارداپ شەگۋشىنىڭ جاعدايى وتە اۋىر دەپ باعالانىپ، ول اۋرۋحانانىڭ انەستەزيولوگيا، رەانيماتسيا جانە قارقىندى تەراپيا بولىمشەسىندە جاتىر. بارلىق قاجەتتى مەديتسينالىق كومەكتى تولىق كولەمدە الادى»، - دەپ حابارلادى قالالىق دەنساۋلىق ساقتاۋ باسقارماسىنىڭ باسپا ءسوز قىزمەتى.
ەسكە سالايىق كەشە الماتىدا 141-باعىتتاعى اۆتوبۋستىڭ جۇرگىزۋشىسى كولىكتى باسقارا الماي، جەكە تۇرعىن ۇيگە سوعىلعان بولاتىن.
اتالعان دەرەك بويىنشا ق ر ق ك 345-بابىنىڭ 2-بولىگىندە كوزدەلگەن قىلمىس بەلگىلەرى بويىنشا سوتقا دەيىنگى تەرگەۋ باستالدى.
