قىرعىزستان مەن ازەربايجان بىرلەسكەن دامۋ قورىن قۇرادى
جوگوركۋ كەنەش باسپا ءسوز قىزمەتىنىڭ مالىمەتىنشە، بۇل ماسەلە بويىنشا اقپاراتتى ەكونوميكا جانە ساۋدا ۆيتسە-ءمينيسترى قانات ءابدىراحمانوۆ ۇسىندى. كەلىسىم جوباسى نەگىزىندە قىرعىزستان مەن ازەربايجان اراسىندا جارعىلىق كاپيتالى 25 ميلليون ا ق ش دوللارىن قۇرايتىن بىرلەسكەن ەكىجاقتى ينۆەستيتسيالىق قور قۇرۋ ۇسىنىلادى.
جارعىلىق كاپيتالدى ازەربايجان تاراپى قوسقان جانە ونى 50 ميلليون دوللارعا دەيىن ۇلعايتۋ جوسپارلانۋدا.
قوردىڭ شتاب-پاتەرى بىشكەك قالاسىندا ورنالاسادى. قوردى قۇرۋ ينۆەستيتسيالىق سالاداعى ىنتىماقتاستىقتى جانداندىرۋ مەن كەڭەيتۋگە سەرپىن بەرەتىنى اتاپ ءوتىلدى.
