مينيستر پاتەردى جالعا بەرۋشىلەرگە قاتىستى باستاماسىن ايتتى

بۇعان دەيىن يندۋستريا جانە ينفراقۇرىلىمدىق دامۋ ءمينيسترى قازاقستاندا جەكە جالعا بەرۋ قورىن قۇرۋدى ۇسىنعان بولاتىن. ونىڭ ايتۋىنشا، جەكە جالداۋ قورلارىنا ينۆەستيتسيا سالاتىن ادامدار تۇراقتى تابىس الا الار ەدى.

«قازىر جالعا بەرۋ قورى بار - ادامدار باسپانا الادى، ءبىر پاتەر، ەكى، ءۇش، سودان كەيىن ولار جالعا الۋشىلاردى ىزدەيدى. قارىم- قاتىناس بارلىق جاعدايدا قۇقىقتىق سالادا جاسالا بەرمەيدى، شارتتارعا كەلىسەدى. سوسىن جالعا الۋشىلاردان كەيىن ءۇي يەسىندە پروبلەمالار پايدا بولادى - ونى قايتادان جوندەۋ كەرەك. بۇل تۇتاس سيكل.

ال ءبىزدىڭ ايتاتىنىمىز: ىڭعايلى جاعداي جاسايىق. تۇرعىندار اقشا سالىپ، پاتەر ساتىپ الىپ، جالعا بەرە الاتىنداي جەكە جالعا بەرۋ قورىن قۇرايىق. ونىڭ ىشىندە مەملەكەت تە جالعا بەرىلەتىن تۇرعىن ۇيلەردى پايدالانادى. بۇل جىلجىمايتىن مۇلىكتەن تۇسەتىن تۇراقتى تابىس جانە وعان ءبارى: جۋرناليستەر دە، مۇعالىمدەر دە، مەملەكەتتىك قىزمەتكەرلەر دە قاتىسا الادى. ال قوردى باسقارۋ اي سايىن نەمەسە توقسان سايىن قوسىمشا تابىسپەن قامتاماسىز ەتەر ەدى»، - دەدى مينيستر جۋرناليستەر سۇراعىنا جاۋاپ بەرە وتىرىپ.

ونىڭ ايتۋىنشا، مۇنداي قور پاتەر يەلەرىنە جوندەۋ جۇمىستارىن جۇرگىزىپ، جالعا الۋشىلاردى ىزدەۋ سياقتى «باس اۋرۋىنان ارىلۋعا» كومەكتەسەدى.

«مۇنى باسقالار جاسايدى. ءسىزدىڭ اقشاڭىز 100 پايىز جىلجىمايتىن مۇلىكپەن قامتاماسىز ەتىلگەن. ءبىز پايدا شامامەن توعىز پايىز بولادى دەپ ەسەپتەدىك. بۇل تارتىمدى ۇسىنىس پا، جوق پا - كورەمىز. ەگەر ينۆەستيتسيا بولسا، وندا تارتىمدى. ەگەر بولماسا، وندا جۇيە جۇمىس ىستەمەيدى. بۇل يدەيا اياسىندا، ءالى ەشقايدا ايتىلماعان»، - دەدى وسكەنبايەۆ.

مينيستر بۇل يدەيا ءالى مەملەكەتتىك ورگاندارمەن كەلىسىلمەگەنىن اتاپ ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى