ۋكرايناداعى قازاقستان ازاماتتارىنىڭ سانى ناقتىلانىپ جاتىر - ايبەك سمادياروۆ
«قازىرگى كەزدە ۋكراينادا ساپارمەن جۇرگەن قازاقستان ازاماتتارىنىڭ سانىن تەكسەرىپ جاتىرمىز. سەبەبى سوڭعى وقيعالارعا بايلانىستى ول ەلدەگى ازاماتتار ازايعان. كەشە ۋكرايناداعى ءبىزدىڭ ەلشىلىك كومەك كورسەتۋ بويىنشا ءتيىستى مالىمدەمە جاسادى. باستاپقى ەۆاكۋاتسيا كەزىندە كوبىسى ول ەلدەن كەتىپ قالعان ەدى. ولاردىڭ كەيبىرى قايتادان بارۋى مۇمكىن. سوندىقتان قازىر ناقتى سانىن ايتا المايمىن»، - دەدى ا. سمادياروۆ ۇكىمەت وتىرىسىنان كەيىن تىلشىلەر ساۋالىنا جاۋاپ بەرە وتىرىپ.
ونىڭ ايتۋىنشا، شەكارا اشىق بولعاندىقتان، ەل ازاماتتارى ۋكرايناعا ساپارمەن بارىپ ءجۇر.
«ەلشىلىك جۇمىسىن جالعاستىرىپ جاتىر. قازىر ەلشىلىكتى جابۋ ەمەس، ونداعى قىزمەتكەرلەرىمىزدى ەۆاكۋاتسيالاۋ ماسەلەسى قاراستىرىلىپ وتىر. تاياۋ كۇندەرى وسى ماسەلە شەشىلەدى. اتاپ ايتقاندا، ەۆاكۋاتسيا تولىق جۇرگىزىلۋى مۇمكىن»، - دەدى رەسمي وكىل.
بۇدان بۇرىن حابارلانعانداي، قازاقستاننىڭ ۋكرايناداعى ەلشىلىگى وسى ەلدە تۇراتىن قازاقستاندىقتارعا ۇندەۋ جاسادى.
اۆتور
رۋسلان عابباسوۆ
