ديماش قۇدايبەرگەننىڭ ەسىمى الەمگە تانىمال دجەكي چان كىتابىنىڭ مۇقاباسىندا پايدا بولدى
ءانشى بۇل تۋرالى Instagram-پاراقشاسىندا جاريالادى.
ديماش قۇدايبەرگەن اكتەردى جاڭا تۋىندىسىمەن قۇتتىقتاپ، سىيلىعى ءۇشىن العىسىن ءبىلدىردى.
«سۇيىكتى اكتەرىمدى جاڭا كىتابىنىڭ جارىق كورۋىمەن شىن جۇرەكتەن قۇتتىقتاعىم كەلەدى. وسىدان 6 جىل بۇرىن دۇنيە جۇزىندەگى ادامدار مەن تۋرالى ەندى عانا ءبىلىپ جاتقاندا مەنى قولداپ، ماعان باعىت- باعدار كورسەتكەن العاشقى تانىمال تۇلعا بولدىڭىز. ءسىزدىڭ «اۆانگارد» فيلمىڭىزدە باستى ءاندى ورىنداپ، سىزبەن بىرگە جۇمىس ىستەۋگە مۇمكىندىك العانىم مەنىڭ شىعارماشىلىعىمداعى ەڭ جاقسى ساتتەردىڭ ءبىرى بولىپ قالا بەرمەك. سىيلىعىڭىز ءۇشىن جانە مەنىڭ قىتايشا ەسىمىم 迪玛希 (ديماشي) ءسىزدىڭ كىتابىڭىزدىڭ مۇقاباسىندا پايدا بولعانى ءۇشىن العىسىم شەكسىز. مەن ءۇشىن بۇل ۇلكەن مارتەبە!» - دەپ جازدى ءانشى.
ايتا كەتەيىك، 2020 -جىلى ديماش قۇدايبەرگەن «اۆانگارد» فيلمىنە ساۋنترەك جازدى، ال دجەكي چان بۇل فيلمدە باستى رولدە وينادى.
