فۋتبولدان قازاقستان جانە وزبەكستان قۇرامالارى جولداستىق كەزدەسۋ وتكىزەدى
بۇل جونىندە قازاقستان فۋتبول فەدەراتسياسى مەن وزبەكستان فۋتبول قاۋىمداستىعى ءوزارا كەلىسىمگە كەلدى.
كەزدەسۋ 2022 -جىلدىڭ 16- قاراشا كۇنى تاشكەنت قالاسىنداعى «پاحتاكور» ستاديونىندا وتكىزىلەدى.
جولداستىق كەزدەسۋ جايىندا قازاقستان ۇلتتىق قۇراماسىنىڭ باس باپكەرى ماگومەد اديەۆ پىكىر ءبىلدىردى.
«وزبەكستان قۇراماسى ەۋرو-2024 ىرىكتەۋ كەزەڭىنە دايىندىق ءۇشىن جاقسى قارسىلاس دەپ سانايمىن. جاتتىقتىرۋشىلار شتابى ءۇشىن كوپ مالىمەت جيناۋعا مۇمكىندىك بەرەدى. وزبەكستاندا ساپالى فۋتبولشىلار كوپ. سول سەبەپتى وسى ويىندا ەۋروپا چەمپيوناتىنىڭ الداعى ىرىكتەۋ كەزەڭىندە ءۇمىت ارتاتىن فۋتبولشىلاردى ءبىر تەكسەرىپ الامىن دەپ ويلايمىن. وتە قىزىقتى ويىن بولادى دەپ ۇمىتتەنەمىن»، - دەدى ول.
ايتا كەتسەك، ەكى ەلدىڭ قۇرامالارى بۇعان دەيىن التى رەت شەبەرلىك بايقاستى.
ونىڭ ەكەۋىندە وزبەكستان جەڭىسكە جەتسە، بىرىدە قازاقستان باسىم ءتۇستى. ال ءۇش ويىن تەڭ اياقتالدى.
FIFA رەيتينگىندە وزبەكستان قۇراماسى 77-ورىندا تۇرسا، قازاقستان 113-ورىندا كەلەدى.
فوتو: kff.kz
اۆتور
ءادىلجان ۇمبەت
