تۇرىكمەنستان پرەزيدەنتىنىڭ قازاقستانعا ساپارىندا ءبىرقاتار قۇجاتقا قول قويىلادى –س ءى م

بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى.

«مەملەكەت باسشىسىنىڭ شاقىرۋىمەن بيىلعى 15- قازاندا تۇرىكمەنستان پرەزيدەنتى سەردار بەردىمۇحامەدوۆتىڭ قازاقستانعا العاشقى مەملەكەتتىك ساپارى وتەدى. ساپار ەكى ەل اراسىنداعى ديپلوماتيالىق قاتىناستاردىڭ ورناعانىنا 30 جىل تولۋىنا وراي ۇيىمداستىرىلدى»، - دەدى ايبەك سمادياروۆ مينيسترلىكتە وتكەن بريفينگتە.

بۇل ساپار ساياسي، ساۋدا-ەكونوميكالىق، كولىك-ترانزيتتىك جانە مادەني-گۋمانيتارلىق ىنتىماقتاستىقتى، سونداي-اق قازاق-تۇرىكمەن ستراتەگيالىق ارىپتەستىگىن ارتتىرۋعا باعىتتالعان.

«ساپار بارىسىندا تاراپتار كەڭ اۋقىمدى ماسەلەلەردى، وڭىرلىك جانە حالىقارالىق كۇن تارتىبىندەگى وزەكتى تاقىرىپتاردى تالقىلاۋدى جوسپارلاپ وتىر. ءىس-شارا قورىتىندىسى بويىنشا ءبىرقاتار ەكىجاقتى قۇجاتتارعا قول قويۋ جوسپارلانۋدا»، - دەيدى رەسمي وكىل.

سونىمەن بىرگە، سەردار بەردىمۇحامەدوۆ 12-13- قازان كۇندەرى ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ VI سامميتىنە دە قاتىسادى.

ايتا كەتەيىك، بۇل اپتادا قاتار، تۇركيا جانە تۇرىكمەنستان باسشىلارى قازاقستانعا مەملەكەتتىك ساپارمەن كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى