رەجەپ تايىپ ەردوعان استانادا ستراتەگيالىق ىنتىماقتاستىق كەڭەسىنىڭ وتىرىسىنا قاتىسادى
«قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ شاقىرۋىمەن تۇركيا رەسپۋبليكاسىنىڭ پرەزيدەنتى رەجەپ تايىپ ەردوعان بيىلعى 12-13- قازاندا قازاقستانعا مەملەكەتتىك ساپارمەن كەلەدى. ساپار اياسىندا 12- قازاندا قوس مەملەكەت باسشىلارىنىڭ ەكىجاقتى كەزدەسۋى، سونداي-اق قازاقستان مەن تۇركيا اراسىنداعى جوعارى دەڭگەيدەگى ستراتەگيالىق ىنتىماقتاستىق كەڭەسىنىڭ 4-وتىرىسى وتەدى»، - دەدى ايبەك سمادياروۆ مينيسترلىكتە وتكەن بريفينگتە.
كەلىسسوز بارىسىندا وزەكتى وڭىرلىك جانە حالىقارالىق ماسەلەلەر بويىنشا پىكىر الماسىپ، تاراپتار ەكىجاقتى ينۆەستيتسيالىق جانە ساۋدا-ەكونوميكالىق ىنتىماقتاستىقتىڭ پەرسپەكتيۆالارىن تالقىلايدى.
سونىمەن بىرگە، تۇركيا رەسپۋبليكاسىنىڭ باسشىسى ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ VI سامميتىنە دە قاتىسادى.
ايتا كەتەيىك، بۇل اپتادا قاتار، تۇركيا جانە تۇرىكمەنستان باسشىلارى قازاقستانعا مەملەكەتتىك ساپارمەن كەلەدى.
