ونەر ارقىلى وتباسىن قۇرعان تانىمال قازاقستاندىقتار
سونىڭ ىشىندە ايگىلى قىز جىبەك پەن تولەگەندى سومداعان قۇمان تاستانبەكوۆ پەن مەرۋەرت وتەكەشيەۆا دا بار.
Massaget.kz ءتىلشىسى تۇسىرىلىمدە، تەاتردا تانىسقان قانداي تانىمالدار بار ەكەنىنە شولۋ جاسادى.
قىز جىبەك پەن تولەگەننىڭ ماحابباتى
قىز جىبەك پەن تولەگەن رولدەرىن سومداعان قۇمان تاستانبەكوۆ پەن مەرۋەرت وتەكەشيەۆا كينو الەمى ارقىلى تانىسقان. قۇمان تاستانبەكوۆ سۇحباتتارىنىڭ بىرىندە ۇزاق ۋاقىتقا دەيىن جاقىن ارالاسا الماعاندارىن ايتقان.
«قالاي تانىسقانىمىزدى ايتسام، ونىڭ ءوزى قىزىق بولدى. كەزەكتى ءبىر كۇندەردىڭ بىرىندە دايىندىققا كەلگەن ءسۇپ-سۇيكىمدى، سۇلۋ دا سىمباتتى قىزدىڭ كوزىمە وتتاي باسىلماسى بار ما؟! ءبىر كورگەننەن-اق جىبەكتىڭ رولىنە سونىڭ الىناتىنىنا سەنىمدى ەدىم. وعان قوسا، «وسى قىز ءتاۋىر، جىبەككە كەلەتىن سياقتى» دەپ، ۇيىمداستىرۋشى توپقا وزىندىك پىكىرىمدى ايتقانداي بولامىن. سودان تىلەگىم ورىندالىپ، مەرۋەرت ەكەۋمىز جۇمىسىمىزعا كىرىسىپ كەتتىك. شاماسى مەنىڭ ونى ۇناتقانىمدى بايقاعان بولۋى كەرەك، الەكەڭدەردىڭ (ءانۋار مولدابەكوۆ – ە س ك.) مەنى تۇسىرىلىمدە ماقتاپ، «مەرۋەرتجان، وسى جىگىتكە قوسىلساڭ، قور بولمايسىڭ» دەگەن سىڭايدا اڭگىمە ايتاتىنى بار. ەكى جاس ءبىر-بىرىمەن ءتىل تابىسىپ، قوسىلسىن دەگەن نيەت قوي. ونىمەن قالادا وسكەن قىزدىڭ «وي، كەرەك ەمەس» دەپ، كەرى تارتاتىنىن قايتەرسىڭ. اڭگىمەنىڭ اشىعى، كوپكە دەيىن اماندىق-ساۋلىق سۇراسقاننان ارىگە اسپاي، الىستان ارالاسىپ جۇرگەنىمىز بار»، - دەگەن ەكەن سۇحباتتارىنىڭ بىرىندە قۇمان تاستانبەكوۆ.
ال مەرۋەرت وتەكەشيەۆا سۇحباتىندا 1970-جىلى شاڭىراق كوتەرگەندەرىن ايتقان. ولار فيلمنەن كەيىن ءبىر جىل وتكەن سوڭ توي جاساعان. ال تويعا فيلمنىڭ ءتۇسىرىلىم توبى كەلگەن، نەكە قيۋ سالتاناتى «قازاق فيلم» كينوستۋدياسىندا وتكەن.
«قىز جىبەك» كوپشىلىك كورەرمەنگە كورسەتىلگەن سوڭ، 1970-جىلعى 6- قاراشادا شاڭىراق كوتەرىپ، ا ح ا ج بولىمىندە نەكەمىزدى قيدىردىق. كينودا بىرگە تۇسكەن ءانۋار مولدابەكوۆ تويىمىزدىڭ باسى-قاسىندا جۇرسە، ءاسانالى ءاشىموۆ اسابا رەتىندە قۋانىشىمىزعا ورتاقتاستى. تاعى ءبىر جايت، فيلمدەگى كيىمدەرىمىزدى ۇيلەنۋ تويىمىزدا دا كيىپ، ەكەۋمىز العاش تۇسكەن كارتينانى ماڭگىلىككە ۇمىتپايتىنداي بولدىق»، - دەگەن ەكەن ول.
«تەڭ-تەڭىمەن، تەزەك قابىمەن»
80-جىلدارى «تاماشا» ءازىل-سىقاق تەاترى ارقىلى تانىمال بولعان داناگۇل تەمىرسۇلتانوۆا ونەر ينستيتۋتىندا وقىپ جۇرگەندە رەجيسسەر رايىمبەك سەيتمەتوۆتىڭ بالاسى ازات سەيتمەتوۆپەن باس قوسقان. ولاردىڭ ايشا جانە ايىم اتتى ەكى قىزى، قايسار ەسىمدى ۇلى بار. ايشا - حالىقارالىق دەڭگەيدەگى زاڭگەر.
«تەڭ-تەڭىمەن، تەزەك قابىمەن» دەگەن ءسوز بار. سول ءسوزدى جاقسى كورەم. ادام ءوزىنىڭ تەڭىن تابۋ كەرەك. ماتەريالدىق جاعىنان بولسا دا، رۋحاني جاعىنان بولسا دا تەڭىن تابۋ كەرەك»، - دەگەن ەدى اكتريسا سۇحباتتارىنىڭ بىرىندە.
داناگۇل مەن ازاتتىڭ كەنجە قىزى - ايىم سەيتمەتوۆا بلوگەر رەتىندە تانىمال. ونىڭ 1 ميلليوننان اسا وقىرمانى بار. ايىم جۇرگەنوۆ اتىنداعى قازاق ۇلتتىق ونەر اكادەمياسىندا «مۋزىكالىق تەاتر ءارتىسى» ماماندىعى بويىنشا ءبىلىم العان. اتاسىنىڭ، اكەسى مەن اناسىنىڭ ونەرى دارىعان ايىم 2015-جىلدان باستاپ «جىبەك»، «ىڭكار جۇرەك»، «مەزگىلسىز ماحاببات»، «انا جۇرەگى»، «ماجورى»، «ينستاگرامشيتسا» سەكىلدى فيلمدەرگە تۇسكەن. ارتىستەردىڭ ەكى قىزى دا قۇتتى ورنىنا قونعان. اكتريسا ءارى بلوگەر قىزدارى ايىم 30- ناۋرىزدا وقىرماندارىنان ءسۇيىنشى سۇراپ، انا اتانعانىن جازعان ەدى.
كۇلپاش پەن كاتالوك ومىردە جۇپ
تەاتر ارقىلى تانىمال بولعان وتباسىنىڭ ءبىرى - قالىڭ كوپشىلىك «كۇلپاش» ەسىمى ارقىلى بىلەتىن بەرىك تۇرسىنبەكوۆ پەن قارلىعاش يسلام قىزى. ولار 1999-جىلى «شىمكەنت شوۋ» تەاترىنىڭ كونكۋرسىندا تانىسقان.
سۇحباتتارىنىڭ بىرىندە قارلىعاش بەرىك تۋرالى العاشقى ويىن ايتقان ەدى.
«تۇرىك پە، وزبەك پە، قازاق دەپ ويلاعان جوقپىن. ءبىر بالا قازاقشا سايراپ تۇر»، - دەدى اكتريسا قارلىعاش يسلام قىزى.
كەيىن ەكەۋى جاقسى دوس بولىپ كەتكەن، ءتىپتى بەرىك العاش كوڭىلىن بىلدىرگەندە، قارلىعاش كۇلگەنىن ايتادى. ءبىراق اينالاسىنداعىلار اراسىنداعى بايلانىستى بىردەن سەزگەن ەكەن. بەرىك پەن قارلىعاش 2000-جىلى شاڭىراق كوتەرگەن. ولار ونەر الەمىندە ءالى دە بىرگە، «كۇلپاش» تەلەسەريالىندا كۇلپاش پەن كاتالوك بولىپ، ودان بولەك، تەاتر ساحناسىندا، مەرەكەلىك كونسەرتتەر مەن باعدارلامالاردا بىرگە ونەر كورسەتەدى.
ءۇشىنشى ايەلىمەن تەاتردا تانىسقان
تەاتردا تانىسىپ، باس قوسقان وتباسىلاردىڭ ءبىرى - ءسابيت ءابدىحالىقوۆ پەن دينارا ابدۋللينا. بەلگىلى اكتەر ءسابيت ءابدىحالىقوۆ پاراقشاسىندا دا ۇلدارىنىڭ سۋرەتىن جاريالاپ، «باۋىرلار. اسىلجان، حاق-نازار، ابادان»، - دەپ تانىستىرعان ەدى.
حاق-نازار مەن ابادان ونىڭ ءۇشىنشى ايەلىنەن تۋعانى بەلگىلى. بۇعان دەيىن ءسابيت ءابدىحالىقوۆ بەلگىلى ەسترادا ءانشىسى ايگۇل يمانبايەۆاعا ۇيلەنسە، كەيىننەن التىناي جورابايەۆامەن شاڭىراق كوتەرگەن ەدى. سونداي-اق، سۇحباتتارىنىڭ بىرىندە «بۇرىنعى ايەلدەرى ەشقاشان تاستاپ كەتتى دەپ ايتپايتىنىن» جەتكىزدى. ايگۇل يمانبايەۆادان اسىلجان ەسىمدى ۇلى، ال ەكىنشى جۇبايىنان 4 قىزى بار.
سونىمەن قاتار، اكتەر ءۇشىنشى ايەلىمەن قالاي تانىسقانىن ايتىپ بەردى.
«2 جىل تۇزدىباستاۋدا كۇيەۋبالامنىڭ ۇيىندە تۇردىم. دەنساۋلىعىما بايلانىستى قارىنداسىم قارادى. 2017-جىلى تەاتردى باسقارىپ جۇرگەن كەزدە كوڭىل جاراستىردىق. جەڭگەڭىز دە بىردەن كەلىسە قويعان جوق. 1 جىل كەلىسپەي ءجۇردى. ويتكەنى وعان دا «رەپۋتاتسياسى جاقسى ەمەس، ماقتاناتىنداي رەپۋتاتسيا ەمەس، 2 رەت اجىراسقان» دەپ اڭگىمە ايتادى عوي. ونىڭ دا اعايىن-تۋىسى بار. جاس قىز، 2 جىلداي تانىپ-بىلدىك»، - دەگەن ەدى اكتەر سۇحباتتارىنىڭ بىرىندە.
بايان ماقسات قىزى ەسكەرتۋ جاساعان
«راۋزا» تەلەحيكاياسى ارقىلى وتباسى بولعان ءانشى، اكتريسا جارقىناي حانايىم مەن پروديۋسەر بايان ماقسات قىزىنىڭ جيەنى، اكتەر ايدار اسقاربەكتىڭ ءبىر قىزى بار. ەسىمى - ايلانا. الايدا كەيىنگى كەزدە ولاردىڭ وتباسىنا قاتىستى جەلىدە ءتۇرلى قاۋەسەت تاراپ ءجۇر.
قىزدارىنىڭ ەسىمىن ايداردىڭ ءوزى قويعان ەكەن.
«ماعىناسى «ايداي ادەمى» دەگەن ماعىنانى بىلدىرەدى. بۇل ەسىمدى مەن ۇسىندىم، اكە-شەشەمىز قارسى بولعان جوق»، - دەگەن ەدى اكتەر ايدار اسقاربەك.
ونەرلى جۇپ وتباسىن قۇرعانعا دەيىن كوپشىلىكتەن اراقاتىناسىن جاسىرعان. جارقىنايدىڭ پروديۋسەرى بايان ماقسات قىزىنا بۇل اراقاتىناستى جيەنىنىڭ ءوزى جەتكىزىپتى. دەگەنمەن كينونىڭ الدىندا بايان وسىنداي قاتىناس قۇرماۋعا بايلانىستى ەسكەرتۋ جاساعان ەكەن.
داۋرەن ايدارقۇلوۆ پەن اقبوتا-نۇر سەيىتماعامبەت
بەلگىلى ءانشى، اكتريسا اقبوتا-نۇر سەيىتماعامبەت پەن اكتەر داۋرەن ايدارقۇلوۆ تا فيلم تۇسىرىلىمىندە تانىسقان. الايدا داۋرەن ايدارقۇلوۆ بۇعان دەيىن دە وتباسىلى بولعان. ولاردىڭ ومىردەگى جولىن «گلامۋر دليا دۋر» فيلمى قوسقان. بۇل جۇپ ايىرىلىسىپ كەتكەن ەدى. ال داۋرەن ايدارقۇلوۆ Instagram-پاراقشاسىندا بۇرىنعى ايەلدەرىمەن قانداي قارىم-قاتىناستا ەكەنىن، ءوزى تاعى شاڭىراق كوتەرگىسى كەلەتىنىن ايتىپ، ءبىرقاتار جايتتى جەتكىزگەن ەدى. ونىڭ سوزىنشە، اقبوتا ەكەۋىنىڭ بالالارى اتا-اناسىمەن تۇرادى.
«ەكىنشى نەكەدەگى بالالار اتا-اناممەن، ياعني بىزبەن بىرگە تۇرادى. بۇل اقبوتا ەكەۋمىزدىڭ ۋاقىتشا، ورتاق شەشىمىز. مەن دە، ول دا ساپاردا ءجيى بولامىز، كينوعا تۇسەمىز، سول سەبەپتى بۇل شەشىم ەڭ دۇرىسى بولدى. اتا-انام مەن ايگەرىم قارىنداسىما ۇلكەن راحمەت ايتقىم كەلەدى! اللا سىزدەرگە رازى بولسىن»، - دەپ جازعان ول جەلىدە.
ەسكە سالايىق، بۇعان دەيىن كينوداعى رولىنەن كەيىن ومىردە باس قوسقان شەتەلدىك اتاقتى ارتىستەر تۋرالى جازعان ەدىك.
