رەسەيلىك دارىگەرلەر قازاقستانداعى كلينيكالاردا جۇمىسقا ورنالاسا الادى - مينيستر
بۇل تۋرالى ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى قازاقپارات ءتىلشىسى.
«قازاقستاندا ەڭبەك ميگرانتى رەتىندە جۇمىس ىستەۋگە قىزىعۋشىلىق تانىتقان رەسەيلىك دارىگەرلەر ە ا ە و زاڭناماسى اياسىندا بىزدەگى اۋرۋحانالارعا جۇمىسقا ورنالاسا الادى. وسى ورايدا ولار ءتيىستى تالاپتار مەن ەرەجەلەردى تولىق ساقتاۋ كەرەك»، - دەدى ا. عينيات پارلامەنت ماجىلىسىندەگى ۇكىمەت ساعاتىنان كەيىنگى باسپا ءسوز ءماسليحاتىندا.
ونىڭ ايتۋىنشا، ءبىرىنشى كەزەكتە ولاردىڭ ديپلومدارى بىزدە مويىندالۋى ءتيىس. ەكىنشىدەن، رەسەيلىك دارىگەرلەر سەرتيفيكاتتاۋدان وتۋگە مىندەتتى بولادى.
بۇدان بۇرىن حابارلانعانداي، اۋىلداعى كادرلىق قامتاماسىز ەتۋگە تالداۋ جۇرگىزىلىپ، 1700 دەن استام مەديتسينا قىزمەتكەرىنىڭ، ونىڭ ىشىندە 1000 نان استام دارىگەردىڭ تاپشىلىعى انىقتالدى.
