جەدەل جاردەم جۇرگىزۋشىلەرى مەديتسينالىق كومەك كورسەتۋ پروتسەسىنە جۇمىلدىرىلماق
بۇل تۋرالى ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى قازاقپارات ءتىلشىسى.
«قىزىعۋشىلىق تانىتقان جۇرگىزۋشىلەردى وقىتامىز. ويتكەنى بارلىعى بىردەي بىلىكتىلىگىن ارتتىرعىسى كەلمەيتىنى تۇسىنىكتى. بۇل باعىتتاعى جۇمىستاردى ىسكە اسىرۋ ءۇشىن ءبىر جىل ۋاقىت كەرەك بولادى»، - دەدى ا. عينيات پارلامەنت ماجىلىسىندەگى ۇكىمەت ساعاتىنان كەيىنگى باسپا ءسوز ءماسليحاتىندا.
وسى ورايدا مينيستر پارامەديك شۇعىل مەديتسينالىق كومەك اياسىندا قىزمەت ەتەتىنىن ايتتى.
«الەمدە جاقسى تاجىريبە بار. جەدەل مەديتسينالىق جاردەمدى نەگىزىنەن پارامەديكتەر اتقارادى. ەلىمىزدەگى جۇرگىزۋشىلەر مەديتسينالىق پروتسەسكە قاتىسپايتىنىن ەسكەرە وتىرىپ، ءبىز الداعى ۋاقىتتا بۇل كوماندانىڭ مۇمكىندىكتەرىن كۇشەيتكىمىز كەلەدى. جۇرگىزۋشىنى شۇعىل قىزمەت كومانداسىنا قوسىپ، ونى پارامەديك رەتىندە دايارلاۋ ەسكەرىلگەن»، - دەدى ۆەدومستۆو باسشىسى.
وسى ورايدا ول جۇرگىزۋشىلەردىڭ جالاقىسىنا ۇستەمەاقى تۇرىندە ىنتالاندىرۋ تەتىگى ەنگىزىلەتىنىن ايتتى.
