پرەزيدەنت تەلەراديوكەشەنىنىڭ «قاڭتار قاسىرەتى» فيلمى ت م د فەستيۆالىندە ديپلومعا يە بولدى

«پرەزيدەنت تەلەراديوكەشەنىنىڭ» دەرەكتى كينو ورتالىعى شىعارعان «قاڭتار قاسىرەتى» فيلمى https://youtu.be/KY1EtprlFZU ت م د ەلدەرىنىڭ «ەۆرازيا. DOC VIY « اتتى دەرەكتى كينوفەستيۆالىنىڭ شورت-پاراعىنا ءىلىنىپ، «تاقىرىپتىڭ وزەكتىلىگى» اتالىمى بويىنشا ديپلومعا يە بولدى.

اتالعان فيلمدى ازىرلەگەن ۇجىمنىڭ قۇرامىندا سەناري اۆتورى باۋىرجان سابىربەكوۆ، رەجيسەر سەرىك يبرايم، وپەراتورلار داۋرەن زاريپوۆ پەن سايات جايتىقوۆ، دىبىس رەجيسەرى تالعات قۇسمان مەن پروديۋسەر اسەل تۇرسىنعازينا بار.

اتالعان ءداستۇرلى فەستيۆال العاش رەت 2016-جىلى وتكەن بولاتىن. بۇل جولعى فەستيۆالدىڭ باستى تاقىرىبى «ءتۇرلى-ءتۇستى» ريەۆوليۋتسيالاردىڭ تاريحىنا ارنالىپ، ۋكراينا، ا ق ش، گەرمانيا، لاتۆيا، مولداۆا، بەلارۋس، رەسەي مەملەكەتتەرىنەن كەلگەن دەرەكتى فيلم ماماندارى ساراپشىلار مەن ساياساتتانۋشىلار تالقىسىنا ءتۇستى.

جەتىنشى جىل قاتارىنان وتكەن فەستيۆالگە بۇل جولى رەكوردىق مولشەردە ءوتىنىم كەلىپ تۇسكەن كورىنەدى - 12 ەلدەن 125 ءوتىنىم. ونىڭ ىشىندە پوستسوۆەتتىك ەلدەردەن بولەك شالعاي ەلدەر دە بار. ال فەستيۆالدىڭ قىسقارتىلعان باعدارلاماسىنا سونىڭ ىشىندەگى 32 تۋىندى ەنگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى