قازاقستان كومپانيالارىنىڭ اتىن جامىلعان الاياق سايتتىڭ كوبى ا ق ش- تا تىركەلگەن – ءى ءى م

«ينتەرنەت جەلىسىندە، ونىڭ ىشىندە الەۋمەتتىك جەلىلەر مەن مەسسەندجەرلەردە سالعان اقشاڭىزدى بىرنەشە ەسەلەپ قايتاراتىن جوبالاردىڭ جارنامالارى جىلدام تاراپ جاتىر.

قازاقستاننىڭ ۇلتتىق كومپانيالارىنىڭ جوعارى تابىس اكەلەتىن ينۆەستيتسيالىق جوبالارى تۋرالى اقپارات تاراۋدا. دومەندىك اتاۋلارىن تەكسەرۋ كەزىندە اتالعان سايتتاردىڭ مازمۇنى بىردەي ەكەنى جانە ا ق ش- تا تىركەلگەنى بەلگىلى بولدى.

پاراقتارىن تەكسەرۋ كەزىندە ونداي سايتتاردىڭ ءبىر عانا نەگىزگى پاراقتان تۇراتىنى انىقتالدى. ول پاراقتا تىركەلۋ ۇلگىسى ورنالاسقان. ارتىنشا بىردەن ءساتتى تىركەلگەنىڭىزدى جانە جەكە اككاۋنتىڭىزدى اشۋ كەرەكتىگىن ايتاتىن ءماتىن شىعادى. بۇل ازاماتتاردىڭ دەربەس دەرەكتەرىن جيناۋعا ارنالعان فيشينگ سايت دەپ قاراۋعا نەگىز بار»، - دەدى شۇعىلا تۇرلىبەك.

ايتۋىنشا، ق ر ىشكى ىستەر مينيسترلىگى اتالعان رەسرۋستاردىڭ يەلەرىن ءبىلۋ ءۇشىن ا ق ش- تىڭ ادىلەت مينيسترلىگىنە ءتيىستى ساۋال جولداپتى.

«جىل باسىنان بەرى جوعارى تابىس ۋادە ەتكەن 769 الياقتىق فاكتىسى تىركەلدى. 120 جاعدايدا الاياقتار ءتۇرلى كومپانيالاردىڭ ينۆەستيتسيالارىنىڭ اتىن جامىلعان. سولاردىڭ ىشىندە 22 جاعدايدا «قازمۇنايگازدىڭ»، 6 جاعدايدا «حالىق بانكتىڭ» جانە «ەڭبەك ينۆەست»، «قازمينەرال»، «Forex Freedom» - نىڭ اتىن جامىلۋ ارقىلى ازاماتتاردى تارتقان. مۇنداي رەسرۋستار ينتەرنەتى بار كەز كەلگەن جەردە اشىلۋى مۇمكىن. وعان قارسى تۇرۋدىڭ ەڭ ءتيىمدى جولى مونيتورينگ ارقىلى انىقتاپ، بۇعاتتاپ وتىرۋ قاجەت. ءى ءى م وسى باعىتتا ۇدايى جۇمىس ىستەپ كەلەدى. جىل باسىنان بەرى 121 رەسرۋس انىقتالىپ، قازاقستاندىقتار كىرە المايتىنداي بولۋى ءۇشىن «كيبەرقاداعالاۋ» اقپاراتتىق جۇيەسىنە ەنگىزىلدى»، - دەدى شۇعىلا تۇرلىبەك.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى