جانار ايجانوۆا پۋسانداعى كينوفەستيۆالدە ۇزدىك اكتريسالار قاتارىنا ەندى

تەلەارنا مالىمەتىنشە، 5-14-قازان ارالىعىندا پۋسان قالاسىندا وتەتىن كينوفەستيۆالدە الەمنىڭ تۇكپىر-تۇكپىرىنەن ەڭ مىقتى اكتەرلەر مەن رەجيسسەرلەر باس قوسىپ جاتىر. بيىل حالىقارالىق كينوفەستيۆالدە 71 ەلدىڭ 242 فيلمى كورسەتىلەدى.

تانىمال ءانشى، اكتريسا جانار ايجانوۆا حالىقارالىق كينوفەستيۆالگە ازياداعى ەڭ ۇزدىك كينواكتريسالاردىڭ ءبىرى رەتىندە شاقىرىلعان. ونىڭ «اپپاق كەلىن» سەريالىنداعى اكتەرلىك شەبەرلىگى قازىلار القاسىنا ۇناعان. باسقا 4 ۇمىتكەرمەن بىرگە جانار ايجانوۆا «ۇزدىك ايەل ءرولى» نوميناتسياسىندا باق سىنادى. سىيلىق 30 جاستاعى كورەي كينوسىنىڭ جۇلدىزى پاك يۋن بينگە - «ەرەكشە ادۆوكات» دراماسىنداعى ءرولى ءۇشىن بەرىلدى.

«مەنىڭ كينودا جۇرگەنىمە كوپ بولعان جوق. ارى كەتسە 10 جىل. مەنىڭ ونەرىمدى بايقاپ، ەڭ جاقسى اكتريسالاردىڭ قاتارىنا قوسۋ دەگەندى مەن ءوڭىم تۇگىل تۇسىمدە ارمانداعان جوقپىن. مەنىڭ جەتىستىگىمدى قايتالاپ، ءتىپتى اسىپ ءتۇسىپ، جاستارىمىز فەستيۆالداردا جۇلدەلى ورىندارعا يە بولعانىن قالايمىن. مەن ءۇشىن وسى كينوفەستيۆالگە قاتىسۋدىڭ ءوزى مارتەبە»، - دەيدى ءانشى، اكتريسا جانار ايجانوۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى