گايتيدە جاعداي ۋشىعىپ، ب ۇ ۇ باس حاتشىسى ۇندەۋ جاسادى
ول ب ۇ ۇ قاۋىپسىزدىك كەڭەسىن گايتي ۇكىمەتىنىڭ ەلدەگى گۋمانيتارلىق داعدارىستى ەڭسەرۋ ءۇشىن مامانداندىرىلعان حالىقارالىق قارۋلى كۇشتەردى جەدەل ورنالاستىرۋ تۋرالى ءوتىنىشىن شۇعىل تۇردە قاراۋعا شاقىردى، دەپ حابارلايدى قازاقپارات ب ۇ ۇ جاڭالىقتار ورتالىعىنا سىلتەمە جاساپ.
«ب ۇ ۇ باس حاتشىسى قاۋىپسىزدىك جاعدايىنىڭ كۇرت ناشارلاۋى كەزىندە تىرىسقاق ىندەتى ورىن العان گايتيدەگى جاعدايعا قاتتى الاڭدايدى»، - دەلىنگەن ب ۇ ۇ باسشىسىنىڭ اتىنان سويلەگەن ونىڭ باسپا ءسوز حاتشىسىنىڭ سوزىندە.
ونىڭ سوزىنە قاراعاندا، ۆارراداعى جانارماي تەرمينالىنىڭ بۇعاتتالۋىنا بايلانىستى گايتيدىڭ كوپتەگەن اۋداندارىندا اۋرۋدىڭ تەز تارالۋىن بولدىرماۋ ءۇشىن ماڭىزدى قىزمەتتەر توقتاتىلعان.
«اۋىز سۋدى جەتكىزۋ توقتاتىلدى. گايتي حالقىنىڭ ەڭ وسال توپتارى تاعى دا قاتتى زارداپ شەگەدى. ادام ءومىرىن قۇتقارۋ ءبىرىنشى كەزەكتەگى مىندەت بولۋى كەرەك»، - دەدى انتونيۋ گۋتەرريش.
