قىمباتشىلىققا نارازى مىڭداعان ادام شەرۋگە شىقتى
ۇكىمەتتەن كومەك تالاپ ەتكەن شەرۋدى چەحيا كاسىپوداقتار كونفەدەراتسياسى ۇيىمداستىرعان، دەپ حابارلايدى قازاقپارات DW- گە سىلتەمە جاساپ.
8-قازان كۇنى پراگاداعى ۆاتسلاۆ الاڭىنا ەنەرگيا مەن ازىق-تۇلىك باعاسىنىڭ وسۋىنە نارازىلىق بىلدىرگەن بىرنەشە مىڭ ادامدى جينالدى.
ولار قازىرگى ۋاقىتتا ايىنا 644 ەۋرونى قۇرايتىن ەڭ تومەنگى جالاقىنى كوتەرۋدى، سونداي-اق كۇندەلىكتى تۇرمىستىق تاۋارلار باعاسىنا مەملەكەتتىك رەتتەۋدى ەنگىزۋدى تالاپ ەتتى.
ايتا كەتەيىك، ۇلتتىق ستاتيستيكا ۆەدومستۆوسىنىڭ مالىمەتىنشە، تامىز ايىندا چەحياداعى باعانىڭ ءوسۋى جىلدىق ماندە 17,2 پايىزدى قۇرادى. شۇعىل شارا رەتىندە پرەمەر-مينيستر پەتر فيالا باستاعان وڭشىل ورتالىق ۇكىمەت قاراشا ايىنىڭ باسىنان باستاپ كۇشىنە ەنەتىن ءۇي شارۋاشىلىقتارى مەن شاعىن كاسىپورىن ءۇشىن ەلەكتر ەنەرگياسىنا جانە گاز باعاسىنا شەكتەۋ قويعان بولاتىن.
