الماتىدا پوليتسيا پودپولكوۆنيگى سوققىعا جىعىلدى

پوليتسيادا وقيعا بويىنشا تەرگەۋ باستالعانىن ءمالىم ەتتى، دەپ حابارلايدى قازاقپارات ءتىلشىسى.

قالالىق پوليتسيا دەپارتامەنتىنىڭ مالىمەتىنشە، وقيعا 9-قازاندا، تۇنگى ساعات 00:30 شاماسىندا «پانوراما» مەيرامحاناسىنىڭ جانىندا بولعان.

بەلگىسىز ادامدار الماتى قالاسىنىڭ پوليتسيا دەپارتامەنتىنىڭ وزىندىك قاۋىپسىزدىك باسقارماسىنىڭ اعا ۋاكىلى، پوليتسيا پودپولكوۆنيگى ر. وتەگەنوۆتى سوققىعا جىققان.

ول «جابىق باس سۇيەك - ميدىڭ جاراقاتى، ميدىڭ شايقالۋى» دياگنوزىمەن №12-ورتالىق قالالىق كلينيكالىق اۋرۋحاناعا جاتقىزىلدى. سونداي-اق كوپتەگەن گەماتوما مەن سىنىقتار دا بولدى.

«بۇل فاكت قىلمىستىق كودەكستىڭ 293-بابىنىڭ 2-بولىگى بويىنشا تىركەلدى. قىلمىستى جاسادى دەگەن كۇدىكپەن 5 ەر ادام ۇستالدى. ولار ۋاقىتشا ۇستاۋ يزولياتورىنا قامالدى. تەرگەۋ جالعاسۋدا»، - دەدى پوليتسيا دەپارتامەنتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى