قازاقستان اۋماعىمەن رەسەي، بەلارۋس اسكەري تەحنيكالارى قوزعالادى: مينيسترلىك ۇندەۋى

ق ر قورعانىس مينيسترلىگى وسىعان وراي حالىققا ۇندەۋ جاسادى، دەپ حابارلايدى قازاقپارات.

قازاقستاننىڭ قورعانىس ۆەدومستۆوسى بيىلعى 26-قىركۇيەك – 8-قازان ارالىعىندا جامبىل جانە الماتى وبلىستارىندا ۇجىمدىق قاۋىپسىزدىك تۋرالى شارت ۇيىمىنىڭ جەدەل ارەكەت ەتۋ ۇجىمدىق كۇشتەرىنىڭ قاتىسۋىمەن «ءوزارا ءىس- قيمىل-2022»، «ىزدەۋ-2022»، «ەشەلون-2022» وقۋ- جاتتىعۋلارى وتكەنىن ەسكە سالدى.

«اتالعان وقۋ- جاتتىعۋلار اياقتالعاننان كەيىن، 8-15-قازان ارالىعىندا قازاقستان اۋماعى بويىنشا اسكەري ەشەلوندار تۇراقتى ورنالاسقان پۋنكتەرىنە قايتادى.

رەسەي فەدەراتسياسى مەن بەلارۋس رەسپۋبليكاسى قارۋلى كۇشتەرىنىڭ اسكەري كونتينگەنتتەرى ەلىمىزدىڭ اۋماعى بويىنشا «قازاقستان تەمىر جولى« ۇ ك» ا ق- مەن بۇرىن كەلىسىلگەن ەشەلوندار قوزعالىسىنىڭ كەستەسى بويىنشا ەكى باعىتتا: وڭتۇستىكتەن شىعىسقا جانە باتىسقا قاراي قوزعالادى.

بۇدان باسقا، قازاقستان قارۋلى كۇشتەرىنىڭ قۇرامالارى مەن بولىمدەرى ەل اۋماعى بويىنشا تەمىرجول كولىگىمەن جانە اسكەري تەحنيكامەن وتەدى.

وسىعان بايلانىستى ازاماتتاردان اسكەري تەحنيكانىڭ قوزعالىسى تۋرالى جالعان حابارلامالار مەن بەينەماتەريالدارعا نازار اۋدارماي، تەك رەسمي اقپارات كوزدەرىنە سەنۋىن سۇرايمىز»، - دەلىنگەن مينيسترلىك مالىمەتىندە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى