و پ ە ك ەلدەرى مۇناي ءوندىرۋ كولەمىن ازايتۋعا كەلىستى
5- قازاندا ۆەنا قالاسىندا (اۆستريا) «و پ ە ك پليۋس» كەلىسىمىنە قاتىسۋشى ەلدەردىڭ مينيسترلىك وتىرىسى ءوتتى. وعان ق ر ەنەرگەتيكا ءمينيسترى بولات اقشولاقوۆ قاتىستى.
وتىرىس بارىسىندا ەلدەردىڭ تامىز ايىندا كەلىسىم مىندەتتەمەلەرىن ورىنداۋى تالقىلاندى. كەلىسىمدى 2023 -جىلعى 31- جەلتوقسانعا دەيىن ۇزارتۋ تۋرالى شەشىم قابىلداندى.
سونداي- اق قاتىسۋشى ەلدەر وسى جىلدىڭ قاراشا ايىنان باستاپ مۇناي ءوندىرىسىن (2022 -جىلدىڭ تامىز ايىنىڭ دەڭگەيىنەن) تاۋلىگىنە 2 ميلليون باررەلگە ازايتۋعا كەلىستى.
بۇدان بولەك، «و پ ە ك پليۋس» ەلدەرىنىڭ 19- كەڭەسىندە ماقۇلدانعان بازالىق دەڭگەي بەكىتىلدى.
مونيتورينگ كوميتەتىنىڭ وتىرىسىن - ءار ەكى اي سايىن، مينيسترلىك كەزدەسۋىن ءار 6 اي سايىن وتكىزۋ شەشىمى قابىلداندى. ارتىق ءوندىرىستى وتەۋ مەرزىمى 2023 -جىلدىڭ 31- ناۋرىزىنا دەيىن ۇزارتىلدى.
«قازاقستان ءۇشىن قاراشاعا ارنالعان مىندەتتەمەلەر تاۋلىگىنە 1,628 ميلليون باررەلدى قۇرايدى.
ەلدەر كەلىسىم شەڭبەرىندە ەلدەردىڭ مىندەتتەمەلەردى ساقتاۋىنىڭ ماڭىزدىلىعى تۋرالى تاعى دا كەلىستى»، - دەلىنگەن ق ر ەنەرگەتيكا مينيسترلىگىنىڭ مالىمەتىندە.
ساراپشىلار سونىڭ ارقاسىندا الەمدىك نارىقتا باعانى ۇستاپ تۇرۋعا بولاتىنىن ايتادى. كەيىنگى توقساندا قارا التىن قۇنى ايتارلىقتاي ارزانداعان. وعان ەكونوميكالىق قۇلدىراۋ جانە امەريكاداعى پايىزدىق مولشەرلەمەنىڭ ارتۋى سەبەپ. ا ق ش بولسا مۇنايدى ءوندىرۋدىڭ قازىرگى كولەمىن ساقتاپ قالۋدى تالاپ ەتۋدە. ويتكەنى كورسەتكىشتەر ازايسا، ەلدە جانارماي باعاسى تاعى دا قىمباتاتۋى مۇمكىن دەگەن بولجام بار.
