سارىاعاشتا كاسىپكەر ەلەكتر شاينەگىن قۇراستىراتىن سەح اشتى
«Bah_Asmar» ج ش س- نا قاراستى ءوندىرىس ورنى كۇنىنە 600-700 دانا ەلەكترو- شاينەك جانە 10000 دانا ەدەن سۇرتكىش شىعارادى. سەح 15 ادامدى تۇراقتى جۇمىسپەن قامتىپ وتىر. الداعى ۋاقىتتا جەكە كاسىپكەر ق. ەگەمبەرديەۆ ءوز كاسىبىن ۇلعايتىپ، ءوندىرىس قۋاتتىلىعىن كۇنىنە 2600 داناعا جەتكىزىپ، قوسىمشا جۇمىس ورنىن اشۋدى جوسپارلاپ وتىر.
سەرىكتەستىكتىڭ جۇمىسىمەن تانىسقان اۋدان اكىمى م. وتارشيەۆ وڭىردە كاسىپتىڭ كوزىن تاپقان جاس كاسىپكەرلەردىڭ سانى كۇن ساناپ ارتىپ جاتقانىن ايتتى.
«سۇرانىسقا يە ءونىمنىڭ ەڭ باستىسى وتاندىق ەكەندىگى كوڭىل قۋانتادى. باستىسى حالىققا قولجەتىمدى باعادا، ساپالى بولسا، باستى جەتىستىك وسى. الداعى ۋاقىتتا ءوز ءىسىن باستاعان كاسىپكەرگە اۋدان اكىمدىگى تاراپىنان مەملەكەتتىك قولداۋ كورسەتىلەتىن بولادى»، - دەدى اۋدان باسشىسى.
