قازاقستانعا جاسالعان كيبەرشابۋىل تاساسىندا كىمدەر تۇرۋى مۇمكىن

«قازىرگى ۋاقىتتا شابۋىلداردىڭ تاساسىندا ناقتى كىم تۇرعانىن انىقتاۋ وتە قيىن. ونىڭ ارتىندا وزگە ەلدەردىڭ ۇكىمەتتىك حاكەرلەرى دە، كىشىگىرىم حاكەرلىك توپتار دا بولۋى مۇمكىن. قانداي دا ءبىر اقپاراتتىق سىلتاۋ بولعان كەزدە، ماسەلەن، پرەزيدەنتتىڭ قانداي دا ءبىر جاعداي بويىنشا ايتقان سوزدەرى حاكەرلەرگە، كوبىنە سىني ويلاي المايتىن جاس جىگىتتەرگە ۇناماسا نەمەسە تۇسىنبەسە، وندا ولار حاكەرلىك Telegram-چاتتاردا جينالىپ، قازاقستانعا DDoS- شابۋىل جاساي الادى. وكىنىشكە وراي، ونى انىقتاۋ قيىن. ءبىراق پرەزيدەنتتىڭ كەيبىر سوزدەرىنەن كەيىن جينالىپ، ءبىزدىڭ ورگاندارعا شابۋىل جاسايتىن Anonymous انالوگتارىنىڭ كەيبىر توپتارى بار ەكەنىن تىركەپ وتىرامىز»، - دەدى ولجاس ساتيەۆ اگەنتتىك تىلشىسىنە بەرگەن سۇحباتىندا.

ونىڭ پىكىرىنشە، كيبەرشابۋىلدار تەك ەلىمىزدە عانا ەمەس، بۇكىل الەمدە جيىلەپ كەتتى.

«كورشىلەردىڭ قاقتىعىسىنا بايلانىستى ەلىمىزگە جاسالعان شابۋىلداردىڭ جاڭعىرىعىن كورىپ وتىرمىز. كورشىلەر ءبىر- بىرىنە كيبەرشابۋىلدار جاساپ جاتقانى بايقالادى. وكىنىشكە وراي، بىردە انا تاراپ، ەندى بىردە مىنا تاراپ ينتەرنەتتىڭ قازاقستاندىق سەگمەنتىنە دە اسەر ەتەدى»، - دەپ ءتۇسىندىردى سپيكەر.

سونداي- اق ساراپشى شابۋىلداردىڭ نەگىزگى سەبەبى جەكە كيبەرقاۋىپسىزدىك ورگانىنىڭ بولماۋىنا بايلانىستى دەپ سانايدى.

«ءيا، ەلىمىز ب ۇ ۇ رەيتينگىنىڭ كيبەردايىندىق يندەكسىندە 118-ورىننان 31-ورىنعا كوتەرىلدى. ءبىراق بىزدە جەكە قۇرىلىم جوق. ەلىمىزگە كيبەرقاۋىپسىزدىك اگەنتتىگى قاجەت. مەملەكەت باسشىسىنا نەمەسە كيبەرقاۋىپسىزدىك ماسەلەلەرىمەن اينالىساتىنقاۋىپسىزدىك كەڭەسىنە باعىناتىن جەكە ورگاننىڭ بولۋى وتە دۇرىس الەمدىك ترەند سانالادى. كيبەرقاۋىپسىزدىك ماسەلەسى سيفرلىق دامۋ مينيسترلىگىنە تيەسىلى. ۇلكەن مۇددەلەر قاقتىعىسى بار. سيفرلىق دامۋ مينيسترلىگى ەلەكتروندىق ۇكىمەتتى نەمەسە باسقا دا جاڭا سەرۆيستەردى ازىرلەگەن كەزدە ونىڭ قاۋىپسىزدىك بولىگىن ەشكىم تەكسەرمەيدى، اۋديت جۇرگىزبەيدى. سوندىقتان بىزگە جەكە قۇرىلىم قاجەت»، - دەيدى ولجاس ساتيەۆ.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى