كولىك جۇرگىزۋدى ۇيرەتەتىن اۆتومەكتەپتەردىڭ ساپاسى تومەن- ءى ءى م

ءمينيستردىڭ ايتۋىنشا، جول- كولىك اپاتىنىڭ نەگىزگى سەبەپتەرىنىڭ ءبىرى - كولىك جۇرگىزۋ ءتارتىبىن ساقتاماۋ.

«بيىل پوليتسيا 4,5 ميلليون جول ەرەجەسىن بۇزۋدىڭ جولىن كەستى. 17,5 مىڭ ماس جۇرگىزۋشى ۇستالدى، 20 مىڭ جۇرگىزۋشى باسقارۋ قۇقىعىنان ايرىلدى، 16 مىڭ ادام اكىمشىلىك قاماۋعا الىندى، 188 مىڭ جاياۋ كىسىگە ايىپپۇل سالىندى. جالپى ايىپپۇل كولەمى - 49 ميلليارد تەڭگە»، - دەدى ىشكى ىستەر ءمينيسترى ۇكىمەتتىڭ بۇگىنگى وتىرىسىندا.

كوبىنە، مۇنىڭ سەبەبى - اۆتومەكتەپتەرگە قويىلاتىن تالاپتار مەن جۇرگىزۋشى دايارلاۋ ساپاسىنىڭ السىرەۋى.

«قازىر 747 وقۋ ورتالىعى بار. 2018 -جىلدان باستاپ ولارعا ليتسەنزيا مەن رۇقسات بەرۋ الىپ تاستالدى. 2020 -جىلدان بەرى ولاردىڭ قىزمەتىنە مەملەكەتتىك باقىلاۋ دا جوق. دايىندىقتىڭ تومەن ساپاسى ءۇشىن اكىمشىلىك جاۋاپكەرشىلىك جويىلدى. وسىنىڭ كەسىرىنەن - وقۋ پروتسەسى فورماليزمگە اينالدى. كوپ مەكتەپتەردە كەرەكتى ماتەريالدىق بازا جوق»، - دەدى م. احمەتجانوۆ.

تالداۋ كورسەتكەندەي، جۇرگىزۋشىلەر اراسىندا ادام ولىمىنە اكەپ سوقتىرعان اپاتتاردىڭ %50 پايىزى - «وزدەرى كولىك جۇرگىزىپ ۇيرەنگەندەر».

«مويىنداۋ كەرەك، مەملەكەت بۇل سالادا باقىلاۋدى جوعالتىپ الدى. سوندىقتان، قازىرگى ۋاقىتتا مينيسترلىك ءتيىستى ۇسىنىستاردى ازىرلەپ جاتىر»، - دەدى مينيستر.

بۇعان دەيىن سپيكەر جىل سايىن ەلىمىزدە 13 مىڭ جول-كولىك وقيعاسى بولاتىنىن، 2 مىڭنان استام ادام قازا تاۋىپ، 18 مىڭ ادام جاراقات الاتىنىن ايتقان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى