جول-كولىك اپاتى قاي وڭىرلەردە ءجيى بولادى

بۇل تۋرالى ق ر ىشكى ىستەر ءمينيسترى مارات احمەتجانوۆ ايتتى، دەپ حابارلايدى قازاقپارات ءتىلشىسى.

«جولداعى قاۋىپسىزدىك جاعدايى - ەلدىڭ دامۋ كورسەتكىشىنىڭ ءبىرى. جىل سايىن 13 مىڭ جول- كولىك وقيعاسى ورىن الۋدا. 2 مىڭنان استام ادام قازا تاۋىپ، 18 مىڭ ادام جاراقات الۋدا»، - دەدى ىشكى ىستەر ءمينيسترى ۇكىمەتتىڭ بۇگىنگى وتىرىسىندا.

ءمينيستردىڭ ايتۋىنشا، سوڭعى 4 جىلدا، اسىرەسە، پاندەميا كەزىندە جول اپاتى ديناميكاسى تومەندەدى. ءبىراق شەكتەۋلەر مەن بلوكپوستار الىنعاننان كەيىن بۇل كورسەتكىشتەر ءوسىپ جاتىر.

«مىسالى، بيىل جول كولىك وقيعاسى - %14 عا، قازا تاپقاندار - %18 عا، جاراقات العاندار - %13 عا وسكەن. اسىرەسە، الماتى قالاسى، الماتى، جامبىل جانە تۇركىستان وبلىستارىندا جول اپاتى دەڭگەيى جوعارى. قازاقستان بويىنشا بارلىق كولىك وقيعاسىنىڭ %56 پايىزى، جاراقات العانداردىڭ %55 پايىزى جانە قازا تاپقانداردىڭ %41 پايىزى ءدال وسى وڭىرلەردە تىركەلگەن»، - دەدى م. احمەتجانوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى