قازاقستان قوناق ۇيلەرىندەگى ورىن تاپشىلىعى جانە باعانىڭ ءوسۋى. ساراپشىنىڭ پىكىرى
ەلدەگى قوناقۇيلەردەگى باعانىڭ قالاي وزگەردى جانە قازاقستانداعى تۋريستەر قوناقۇيلەردەگى ورىن تاپشىلىعىنان زارداپ شەگىپ جاتىر ما؟ بۇل تۋرالى Kaz.tengritravel.kz ءتىلشىسى ساراپشىدان سۇرادى.
قازاقستاندىق قوناقۇيلەر مەن مەيرامحانالار قاۋىمداستىعىنىڭ پرەزيدەنتى راشيدا شايكەنوۆا جاعدايعا تۇسىنىكتەمە بەردى. ونىڭ ايتۋىنشا، قازىر الماتىدا بوس ورىن جوق.
«EQonaq مالىمەتتەرى بويىنشا، وسى قىركۇيەكتە قوناقۇيلەردىڭ جۇكتەمەسى 136 پايىزعا ءوستى. قازىر الماتىدا بوس ورىن جوق. جالپى، 2022 -جىل وتە جاقسى، جەمىستى جىل بولدى»، - دەيدى ول.
ساراپشى قوناقۇيلەرگە باعانىڭ وسكەنىن اتاپ ءوتتى.
«ەگەر ءبىر جىلداعى ورتاشا كورسەتكىشتى الساق، الماتى بويىنشا ءوسىم 28-30 پايىزعا ارتقان. وكىنىشكە قاراي، قازىر ءبىز كەيبىر قوناقۇي يەلەردىڭ باعانى 200 پايىزعا كوتەرىپ، ستاندارتتى ءنومىر ءۇشىن تاۋلىگىنە 234 مىڭ تەڭگە سۇراعانىن كورىپ وتىرمىز. قىركۇيەك ايىندا تامىزبەن سالىستىرعاندا باعالار ورتاشا ەسەپپەن 15-18 پايىزعا ءوستى. استانادا دا وسىنداي جاعداي ورىن الدى»، - دەدى شايكەنوۆا.
ساراپشى استانا مەن الماتىداعى قوناقۇيلەردىڭ وسىنداي جۇكتەمەسىن تۇسىندىرە وتىرىپ، ءبىرقاتار ءىس-شارالار، اتاپ ايتقاندا ديماش قۇدايبەرگەننىڭ كونتسەرتى، الماتىداعى «مۇناي جانە گاز» KIOGE حالىقارالىق كورمەسى مەن كونفەرەنسياسى، استاناداعى الەمدىك دىندەر سەزى، سونداي- اق 134 ەلمەن ۆيزاسىز كەلىسىمدەر جانە ساياسي وقيعالار اسەر ەتكەنىن اتاپ ءوتتى.
«بۇل الەمدىك تاجىريبە ەكەنىن ءتۇسىنۋ كەرەك. باعالار جوعارى سۇرانىس ماۋسىمىندا وسەدى. سونىمەن قاتار، تۋريستىك نارىق باسقا سالالار سياقتى ءومىر سۇرەدى. ەگەر ەلدەگى بارلىق نارسەگە باعا كوتەرىلسە، وندا قوناقۇيلەردەگى ورتاشا چەك باعاسى دا وسەدى. شىعىندار وسۋدە - تۇرمىستىق حيميا، توقىما، ازىق-تۇلىك باعاسى. تيىسىنشە، تۇرۋ قۇنىنىڭ باعاسى وسۋدە. نارىقتىڭ بارلىق تەندەنتسياسى باعاعا اسەر ەتەدى»، - دەدى ول.
