كۇيەۋى تاستاپ كەتسە دە، اتا-ەنەسىن باققان داڭقتى ءبيشى
ءبىراق قازاقتا الەمدى بيىمەن تاڭعالدىرعان سونداي كەرەمەت ءبيشى بار. ءوزى شارا جيەنقۇلوۆانىڭ شاكىرتى. ⠀ءبيشى گۇلجان تالپاقوۆا 19 جاسىندا تۇرمىسقا شىققان. قايىن اتاسى ءانۋار الاشوردا قايراتكەرى، پاتشا اسكەرىنىڭ پودپولكوۆنيگى نۇرعالي يپماعامبەتوۆتىڭ ۇلى بولسا، ەنەسى گۇلجيھان عاليەۆا ەسترادا جانە سيرك ستۋدياسىنىڭ ىرگەتاسىن قالاۋعا اتسالىسقان جان ەكەن. ءبىراق ەڭ سوراقىسى كۇيەۋى وتباسىلىق ءومىردىڭ بىرەر جىلىنان سوڭ ءبيشىنى تاستاپ، ونىڭ قۇربىسىنا ۇيلەنىپ كەتەدى. گۇلجان اپامىز ەكى بالاسىن قۇشاقتاپ قالا بەرەدى.
ارادا ءبىراز جىل وتەدى. ءبيشى ەكىنشى رەت تۇرمىس قۇرادى. ءبىر كۇنى بۇرىنعى ەنەسى حابارلاسىپ، اۋرۋحانادا اۋىر حالدە جاتقانىن ايتىپ، جانىندا بولۋىن وتىنەدى. ءبيشى بۇرىنعى ەنەسى اقتىق ساپارعا اتتانعانشا جانىندا بولادى. كەيىن قايىن اتاسى حابارلاسىپ، بالالارى، نەمەرەلەرىنىڭ بار بولعانىنا قاراماستان جالعىز قالعانىن ايتادى. بارلىعى تاستاپ كەتىپتى. كەيىنگى كۇيەۋىمەن اقىلداسقان گۇلجان اپا ول كىسىنى دە قولىنا الىپتى.
كەڭدىكتى كورمەيسىز بە، بۇرىنعى قايىن اتاسىن ۇيىنە كوشىرىپ الاردا د. قونايەۆ باستاعان يگى- جاقسىلاردى شاقىرىپ، اكەسى رەتىندە تانۋىن وتىنگەن. ول كىسى دە سوڭعى ساپارعا ءبيشىنىڭ قولىنان اتتانادى.
گۇلجان اپامىزدىڭ بۇل ارەكەتى - سان عاسىرلارداعى ناعىز قازاق ايەلىنىڭ بەت- بەينەسىن كورسەتسە كەرەك. قازاق قىزدارى، قازاق ايەلدەرى، قازاق وتاناسى مىنە، وسىنداي بولادى.
قازىرگى جاھاندانۋ زامانى كەلگەلى ايەل ۇيدە بالاسىمەن وتىرسا، وعان «بايعۇس» دەپ قارايتىن، ايەل ءوز ارمانىنان باس تارتىپ، كۇيەۋىنە جاعداي جاساسا ونى «سورلى» كورەتىن، ايەل جۇمىسىنان شىعىپ، بالاسىن ءتۇرلى ۇيىرمەلەرگە سۇيرەپ جۇرسە، وعان جانى اشىپ، ءسوز قىلاتىن تۇسىنىك پايدا بولدى عوي. ادامدىقتى تۋ ەتكەن گۇلجاھان اپامىزعا دا، ونى جازىپ وتىرعان مىنا ماعان دا ەسكىلىكتىڭ ادامى رەتىندە اياۋشىلىقپەن قارايتىن جان تابىلار. مەيلى!
ءوزىم قازاق ايەلى دەگەن ۇعىمدى «مەيىرىم» ءسوزىنىڭ سينونيمى دەپ تۇسىنەم. ايەل اينالاسىنا مەيىرىم تانىتقاندا، ءتىپتى ءوز مانسابىنان باس تارتىپ، اينالاسىن، ەرىن، بالاسىن باقىتتى ەتكەندە، ءسوزسىز ءوز باقىتىن دا سول جەردەن تابادى دەپ ەسەپتەيمىن.
kznews.kz
