ەكرانعا «قارا قىز» كوركەم فيلمى شىعادى

سولتۇستىك قازاقستان وبلىسىندا «قارا قىز» كوركەم فيلمىنىڭ ءتۇسىرىلىمى باستالدى. سسەناري اۆتورى - بەلگىلى كينورەجيسسەر تالعات تەمەنوۆ. تۇسىرەتىن دە ءوزى. ونىڭ بۇل جولعى ەڭبەگىنە قانداي وقيعا سەبەپ بولدى؟

سيىر ساۋىپ وتىرعان اسقاربەك دەگەن جىگىت. اۋىلدىڭ قاراپايىم بالاسى دوستارىمەن بىرگە سۇم سوعىسقا اتتانادى. ونىڭ سوڭىنان اكەسى دە مىلتىق اسىنىپ، بالاسىن ىزدەۋگە شىعادى.

ەرلان قۇلمۇرزين، اكتەر:

- ءومىردىڭ اعىسىمەن سوعىس جىلدارىندا سوعىسقا اتتانادى. سول جەردە ءوزىنىڭ ەرلىگىن كورسەتەدى. مايدان شەبىندە الدىڭعى قاتاردا بولادى. بۇل فيلمدە نەگىزى وتە اۋىر ساحنالار كوپ. كۇن سۋىق. ەندى اكتەر بولعاسىن توزەسىڭ.

كورەرمەنگە «ماحاببات بەكەتىن» سىيلاعان تالعات تەمەنوۆتىڭ تۋىندىسىنا تاعى دا سول سەزىم ارقاۋ بولدى. بۇل جولى قوس عاشىق ۆوكزالدا ەمەس، قان مايداندا تابىسادى.

جومارت زەينابىل، رەجيسسەردىڭ اسسيستەنتى:

- بۇلاردىڭ ماحابباتىنا، بۇلاردىڭ سۇيىسپەنشىلىك سەزىمىنە ەشقانداي قان توگىس تە، ەشقانداي سوعىس تا، مايدان دا كەدەرگى بولا المايدى. سونىمەن قاتار اكەسى، اكەسىنىڭ لينياسى بار. اكەسى سول ۇلىنىڭ ارتىنان سوعىسقا اتتانىپ، ۇلىن ىزدەۋمەن وتەدى، سول سوڭعى مينۋتىندا ۇلىن كورىپ وتىرىپ، تىلدەسە الماي قازا تاۋىپ كەتەدى.

كينوكارتينادا قازاق حالقىنىڭ تىلداعى ءومىرى دە كورسەتىلەدى. ال كوركەم فيلمنىڭ پرەمەراسى كەلەسى جىلدىڭ كوكتەمىنە بەلگىلەنىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى