قىتايدا تۋعان، الەمگە تانىمال فرانسيالىق قازاق قىزى تۋرالى كىتاپ جارىق كوردى

ول بەيجىڭنىڭ ءىرى باسپالارىنىڭ بىرىندە باسىلدى. اۆتورى ەكونوميست- عالىم، ديپلومات - بەرلين يريشەۆ. ول فرانسياداعى قازاقستاندىقتاردىڭ قاۋىمداستىعىن باسقارادى. كىتاپ قانى قازاق فرانسۋز مودەلى اللا ەلشىننىڭ ءومىرى تۋرالى. ونىڭ اكەسى قۋانتحان 1936 -جىلى اللانى پاريجگە شاڭحاي پورتىندا شىعارىپ سالاردا، قىزى شاڭحايعا ءسان الەمىنىڭ جۇلدىزى بولىپ «قايتىپ ورالادى» دەپ ويلاماسا كەرەك.

كىتاپتا ونىڭ جالعىز ۇلىنىڭ ەستەلىكتەرى، وتباسىلىق سۋرەتتەر مەن ونەرتانۋشىلاردىڭ ساراپتامالىق پىكىرلەرى باسىلعان. تۋىندى تاقاۋدا نيۋ- يوركتە اعىلشىن تىلىندە وقىرمانعا جول تارتادى. ءسانقوي قىزىمىز بۇل شاھارداعى ديور ءسان ءۇيىنىڭ ەلشىسى بولعان. ا ق ش- تا ەرنەست حەمەنگۋەي، دجون ستەينبەك، يرۆين شوۋ، ەليزابەت تەيلور جانە دجاكلين كەننەديمەن ارالاسىپ تۇرعان.

ول «شىعىستىڭ ءىنجۋ- مارجانى» دەگەن اتاققا يە بولادى. ال ديوردىڭ پاريجدەگى گالەرەياسىندا اتاقتى ديزاينەر ادەيىلەپ اللا ءۇشىن تىككەن كەرەمەت كويلەك كوپشىلىك نازارىنا ۇسىنىلعان.

«ءبىز ءۇشىن بۇل قۋانارلىق جاعداي. سەبەبى «ديور مۋزاسى» قىتايلىق قالىڭ وقىرمانعا جول تارتىپ وتىر. ول ءوزى قىتايدا تۋىلعان. بۇگىنگى تاڭدا اللانىڭ وبرازى بۇكىل الەمگە تانىس»، دەيدى « Dior مۋزاسى» كىتابىنىڭ اۆتورى بەرلين يريشەۆ .

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى