ەلىمىزدە ديزەل وتىنىن ساتۋدى ەسەپكە الاتىن جۇيە ىسكە قوسىلدى
بۇل تۋرالى قازاقپارات ەنەرگەتيكا مينيسترلىگىنە سىلتەمە جاساپ حابارلايدى.
«ديزەل وتىنىن ساتۋ كەزىندە جۇرگىزۋشىلەردىڭ ۇسىنىلعان قۇجاتتارى ىشكى ىستەر، سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىكتەرىنىڭ جانە مەملەكەتتىك كرەديتتىك بيۋرونىڭ دەرەكتەر بازاسىندا تەكسەرۋدەن وتەدى. ساتىپ العاننان كەيىن ءبىر مەزگىلدە اۆتوكولىك يەسىنە جانە ساقتاندىرۋ پوليسىندە بار تۇلعالارعا 1414 قىسقا نومىرىنەن وتىن ساتىپ الۋ كولەمى تۋرالى اقپارات جانە بىرەگەي كودتى تاعايىنداۋمەن ليميت قالدىعى تۋرالى حابارلاما كەلىپ تۇسەدى، ول بويىنشا كەيىننەن ساتىپ الۋدىڭ بارلىق پروتسەسىن باقىلاۋعا بولادى»، - دەلىنگەن مينيسترلىك حابارلاماسىندا.
جۇيە ىسكە قوسىلعان ساتتەن باستاپ ا ج ق س- تا جۇيەگە قوسىلۋ ءۇشىن ەسەپكە الاتىن باقىلاۋ اسپاپتارىمەن جاراقتاندىرۋدىڭ بولماۋىنا، كولىك قۇرالدارىندا قايتا جابدىقتاۋ ءۇشىن ءتيىستى رۇقساتتىڭ بولماۋىنا بايلانىستى قۇقىق بۇزۋشىلىقتار انىقتالعانىن اتاپ وتەمىز، سونداي-اق باسقا كولىك قۇرالىنا تيەسىلى قۇجاتتاردى ۇسىنا وتىرىپ، كولىككە جانارماي قۇيۋ ارەكەتىمەن زاڭسىز ءىس-ارەكەتتەر تىركەلگەن.
قازىرگى ۋاقىتتا اكىمشىلىك ايىپپۇل سالۋ نەمەسە بەلگىلى ءبىر مەرزىمگە ليميتتەر بەرۋدى توقتاتا تۇرۋ ارقىلى شارالار پىسىقتالۋدا.
