جىل باسىنان استاناعا قانشا رەسەيلىك كەلدى
بۇل تۋرالى استانا قالاسىنىڭ پوليتسيا دەپارتامەنتى كوشى-قون قىزمەتى باسقارماسىنىڭ باستىعى ارمان بايمۇحانبەت ايتتى، دەپ حابارلايدى قازاقپارات ءتىلشىسى.
«جىل باسىنان بەرى استانا قالاسىندا 29 مىڭنان استام شەتەلدىك ازامات تىركەلگەن، ونىڭ ىشىندە 4 مىڭى - رەسەي ازاماتتارى. وسىلايشا، ەسەپتىك كەزەڭدە قابىلدانعان شارالار ناتيجەسىندە كوشى-قون زاڭناماسىن بۇزعانى ءۇشىن 5 مىڭنان استام شەتەلدىك جاۋاپكەرشىلىككە تارتىلدى. ەلدەن 867 سى شىعارىلدى»، - دەدى ا. بايمۇحانبەت ەلوردا اكىمدىگىندە وتكەن بريفينگىدە.
سونىمەن بىرگە شەتەلدىكتەردى شاقىرعان، الايدا ولاردىڭ ەلدە بولۋ ەرەجەلەرىن ساقتاۋدى قامتاماسىز ەتپەگەنى ءۇشىن 1083 ادام اكىمشىلىك جاۋاپكەرشىلىككە تارتىلعان.
وزگە ەلدەن جۇمىس كۇشىن تارتۋ جانە پايدالانۋ ەرەجەلەرىن بۇزعانى ءۇشىن 93 جۇمىس بەرۋشى جاۋاپقا تارتىلدى.
«وعان قوسا، پوليتسيا دەپارتامەنتىنىڭ قىزمەتكەرلەرى 887 شەتەلدىكتىڭ جەكە باسىن انىقتاۋ ءۇشىن قابىلداۋ-تاراتۋ ورنىنا قامادى. تىركەۋ جانە قۇجاتتاندىرۋ ەرەجەلەرىن بۇزعان 2866 ازامات اكىمشىلىك جاۋاپكەرشىلىككە تارتىلدى»، - دەدى باسقارما باستىعى.
سونداي-اق كوشى-قون قىزمەتكەرلەرى وبەكتىلەردە الدىن الۋ شارالارىن جۇرگىزۋ كەزىندە، قۇجاتتاردى قابىلداۋ مەن راسىمدەۋ كەزىندە شەتەلدىك جۇمىس كۇشى اراسىندا شەتەلدىكتەردىڭ قۇقىقتىق جاعدايى بويىنشا زاڭناما تالاپتارى تۋرالى اقپاراتتىق ءتۇسىندىرۋ جۇمىستارىن تۇراقتى نەگىزدە جۇرگىزەدى.
